سەرۆک بارزانی: تشتێ کو ئیرۆ تێ چاندن، سبە تێ دروون

سەرۆک مەسعوود بارزانی د هەشتەمین سالڤەگەرا رەفەراندۆما سەرخوەبوونا کوردستانێ دە، پەیامەک بەلاڤ کر و راگهاند، “نشتمان نە نەخشەیەکە ل سەر کاغەزێ بە، بەلکو خوینە و د داماران دە دگەرە”.

سەرۆک بارزانی ئیرۆ 25ێ ئیلۆنا 2025ان، ب بۆنەیا سالڤەگەرا رەفەراندۆمێ، د پەیامەکە کورت دە ل سەر پلاتفۆرما “X” گۆت: “نشتمان نە نەخشەیەکە ل سەر کاغەزێ بە، بەلکو خوینە و د داماران دە دگەرە “.

سەرۆک بارزانی ئاماژە ب وێ ژی کر، “تشتێ کو ئیرۆ تێ چاندن، سبە تێ دروون.”

رەفەراندوما دیرۆکی یا کوردستانێ

هەشت سال بەرێ د رۆژەکە وەک ئیرۆ دە، د 25ێ ئیلۆنا 2017ان دە، گەلێ باشوورێ کوردستانێ و ناڤچەیێن کوردستانی یێن ل دەرڤەیی ئیدارەیا هەرێمێ، ب جۆش و کەلەجانەکە مەزن بەرێ خوە دان سندۆقێن دەنگدانێ دا کو د رەفەراندۆمەکە دیرۆکی دە بریارێ ل سەر چارەنووسا خوە بدن.

ئەنجام نیشانا ڤینا پرانیا گەل بوو، کو ب رێژەیا %92.7 دەنگێ “بەلێ” ژ بۆ سەرخوەبوونێ دا. تەڤی کو هەشت سال دەرباس بوونە ژی، رەفەراندوم هین وەک کارتەکە سیاسی یا بهێز و بەلگەیەکە بێئیناکۆک د دەستێ کوردان دە مایە.