ئیسماعیل بێشكچی: رەفەراندۆم پر گرینگ بوو و پێویست بوو کو وەرە لدارخستن
ئیسماعیل بێشكچی دۆستێ گهلێ كورد د یێك ژ نرخاندنێن خوه یێن دهبارێ رهفهراندۆما سهرخوهبوونا كوردستانێ ده دبێژه: «رەفەراندۆم پر گرینگ بوو و پێویست بوو کو وەرە لدارخستن، کورد دکارن هەر گاڤ ڤێ ئەنجامێ ئیسپات بکن»
ئیسماعیل بێشكچی د ڤێ نرخاندنا خوه ده كو ل 18 چریا پاشین یا سالا 2021ێ كربوو ووسا دبێژه:
رهفهراندۆم پر گرینگ بوو و پێویست بوو کو وەرە لدارخستن.
سەرۆک بارزانی د 7ێ خزیرانا 2017ان دە داخویانیەک دا کو رهفهراندۆم دێ د 25ێ ئیلۆنێ دە وەرە لدارخستن. پشتی ڤێ یەکێ، وەلاتێن رۆژئاڤایی و دەولەتێن یەکبوویی یێن ئامەریکایێ ل پەی هەڤ داخویانیێن دوبارە دان و گۆتن کو نە دەما رهفهراندۆمێ یە.
وان گۆت، نها هەوجەداری ب رەفەراندۆمێ تونە. ب یا من، ژ بۆ کوردان گرینگ بوو کو رەفەراندۆمەکێ ل دار بخن، تەڤی دژبەرییا ئیران، ترکیە، دەولەتێن یەکبوویی یێن ئامەریکایێ و دەولەتێن ئەورۆپی.
دەنگێ ئەرێ یێ ژ سەدی 92 د 25ێ ئیلۆنێ دە ئیرادەیا گەلێ کورد نیشان ددە. کورد دکارن هەر گاڤ ڤێ ئەنجامێ ئیسپات بکن. ئەڤ ژ بۆ کوردان کریارەکە. رەفەراندۆم دڤیابوو وەرە لدارخستن و ئەو هاتە لدارخستن.
