سەرۆک بارزانی پێشوازی ل بافل تالەبانی کر

سەرۆک بارزانی و بافل تالابانی جڤیان، ھەردو ئالیان رەوشا سیاسی یا ئیراقێ، یا ھەرێمێ و پرۆسەیا سیاسی یا ھەرێما کوردستانێ و پێکانینا حکوومەتا نوو یا ھەرێمێ گۆتووبێژ کرن.

سەرۆک مەسعوود بارزانی ئیرۆ 27/9/2025ێ، پێشوازی ل سەرۆکێ یەکیتیا نیشتمانی یا کوردستانێ (یەنەکێ) بافل جەلال تالابانی کر.

بارەگەھا بارزانی راگھاند، د ھەڤدیتنێ دە رەوشا سیاسی یا ئیراقێ، یا ھەرێمێ، پرۆسەیا سیاسی یا ھەرێما کوردستانێ و پێکانینا حکوومەتا نوو یا ھەرێمێ ھاتن گۆتووبێژکرن.

جڤینا داوی یا د ناڤبەرا سەرۆک بارزانی و بافل تالابانی دە د 14ێ تیرمەھا ئیسال دە ل بارەگەھا بارزانی بوو.

پشتی وێ جڤینێ، ھەردو مەکتەبێن سیاسی یێن پارتیا دەمۆکراتا کوردستانێ و یەکیتیا نیشتمانیا کوردستانێ داخویانیەک ھەڤبەش بەلاڤ کربوون کو تێ دە ھاتبوو گۆتن، جڤین تایبەت بوو ب بوویەر، گەشەدان، پرسگرێک و ئاستەنگیێن ھەرێما کوردستانێ و حکوومەتا فەدەرال، ب تایبەتی مافێن دارایی و مووچەیێن کارمەندێن ھەرێما کوردستانێ.