کۆمیتەیا ناڤەندی یا پارتیا دەمۆکراتا کورد ل سووریێ (پەدەکەسێ) د راگھاندنەکێ دە بریارا حکوومەتا سووریێ یا قەدەغەکرنا خوەندنا زمانێ کوردی ل عەفرینێ و دەڤەرێن دن یێن کوردستانی یێن رۆژئاڤایێ کوردستانێ شەرمەزار کر. تەکەز ژی کر کو، بریارا حکوومەتا شەرع ژ بۆ پشتگوھخستنا خوەندنا کوردی بەرەڤاژی درووشمێن شۆرەشا سووریێ یا ژ بۆ ئازادی و وەکھەڤیێیە.
ئەڤ ژی پەیاما پارتیا دەمۆکراتا کورد ل سووریێ (پارتی)یە:
داخویانی دەربارێ قەدەغەکرنا خوەندنا زمانێ کوردی ل عەفرینێ، سەرێکانیێ و گرێ سپی.
ئەڤ بریارە ژ ئالیێ رێڤەبەریا دەمکی یا ب سەرۆکاتیا ئەحمەد ئەل-شەرع ب سەکناندنا خوەندنا ب زمانێ کوردی ل عەفرینێ و ھەموو دەڤەرێن کوردی کو پێشڤەچوونەکا مەترسیدارە و نیشانەکا نەباشە ل سەر پێشەرۆژا مافێن گەلێ کورد ل سووریێ، ھەروھا بنپێکرنا ل دەر حەقێ مافێ کولتوری و نەتەوەیی کو ھاتییە پەسەندکرن ژ یاسایا نەتەوەیی.
زمانێ کوردی نە تەنێ ژ بۆ فێربوونێیە، لێ ئەو جەوھەرا ناسنامە و ستوونەکا بنگەھینە ژ ستوونێن ھەبوونا نەتەوی یا گەلێ کورد ل سووریێ، و تونەکرنا ڤی مافی نیشانا تونەکرنا ھەبوونا کوردان و رۆلا وێ یا دیرۆکی د ئاڤاکرنا سوورییێ دەیە.
ئەڤ مافێن ھەری کێم کو دەرباس کرنا زمانێ کوردی د ناڤ رێبازێن خوەندنێ و ھینکرنا وێ د دبستانان دە و پەیمانگەھ و زانینگەھێن تایبەت، نرخێن پێکڤەژییانێ و دانپیدانا ھەڤبەش و دەستوورا سووریێ تەکەز دکە. پاشڤەچوونا ژ ڤان دەستکەفتێن ئیرۆ، تێ خوەندن وەکی پەیامەک دوورخستن و تونەکرنا و تێک برنا ئاڤاکرنا دەولەتەکا دەمۆکراتیک، پرئالی و فەدەرالە.
