چاپەمەنییا په‌كه‌كێ دیسا نووچەیێن درەو بەلاڤ کرن: دیوارێ كو ئیراق ل سینۆر ئاڤا دكه، دبێژە «په‌ده‌كه چێدکە»
د ڤان رۆژێن داوی دا، د چاپەمەنیێ دا نووچە هەنە کو دیوارەکێ بەتۆنی ل سەر سینۆرێ د ناڤبەرا هەرێما کوردستانێ و رۆژئاڤایێ کوردستانێ دا تێ چێکرن. پرسا کو کێ دیوار ئاڤا کریە، د مەدیایێ دا بوویە مژارا نیقاشێ. هات هینبوون کو دیوار ژ ئالیێ ئیراقێ ڤە، کو هەڤکارێ په‌كه‌كێ یێ 12 سالانە، هاتیە چێکرن.
چاپەمەنییا په‌كه‌كێ: په‌ده‌كه دیواری ئاڤا دکە
دەزگەهێن راگهاندنا په‌كه‌كێ و کۆمیتەیا سەر ب وێ یا رۆژئاڤا ڤه ئیدیعا کرن کو حکوومەتا هەرێما کوردستانێ دیوارێ د ناڤبەرا باشوورێ کوردستانێ و رۆژئاڤا دا ئاڤا دکە. مەدیایا په‌كه‌كێ راگهاند کو حكوومه‌تا هەرێما کوردستانێ دەست ب ئاڤاکرنا دیوارەکێ بەتۆنی یێ 3 مەتران بلند و 75 سانتیمەتران ستوور ل سەر سینۆرێ رۆژئاڤا کریە. د نووچەیان دا په‌كه‌كە ب ئەشکەرەیی په‌ده‌كه هەدەف گرتن و ئیدیعا کرن کو ئەو ژ بۆ «پشتگریا گەفێن ئه‌حمه‌د شه‌رع» تێ چێکرن.
لێبەلێ، درەوا په‌كه‌كێ زوو ئەشکەرە بوو. ژ بەر کو دیوار ژ سالا 2022ێ ڤە ب ئاگاهداریا په‌كه‌كێ و هێزێن وێ یێن هەرێمی هاتیە چێکرن. مەدیایا په‌كه‌كێ هەروه‌ها راگهاند کو «دەریێ سینۆرێ سێمالکایێ ژ ئالیێ په‌ده‌كێ ڤە هاتیە گرتن.» لێبەلێ، ئەڤ دەر، کو وەکی دەریێ سێمالکا – پێشابوور تێ زانین، ژ بۆ سڤیلان و ئالیکارییان ڤەکرییە.
فەرمانداریا پاسه‌وانێن سینۆر یێن ئیراقێ: ئەم دیواران ئاڤا دکن
فەرمانداریا پاسه‌وانێن سینۆر یێن ئیراقێ راگهاند کو کارێ کو بەحسا وی تێ کرن ب تەڤاهی د بن چاڤدێریا حكوومه‌تا ئیراقێ دا هاتیە کرن. فەرمانداریێ دیار کر کو هەموو خەتێن سینۆر، ب سێگۆشەیا ئیراق-ترکیە-سووریێ ژی د ناڤ پلانێ دا نه.
بەردەڤکێ چاپەمەنیا فەرمانداریا پاسه‌وانێن سینۆر یێن ئیراقێ، گەنەرال حه‌یده‌ر کەرحی، د ئاخافتنا خوە دە ژ تۆرا مه‌دیایی یا رووداوێ رە گۆت، «ئاڤاکرنا دیوارێ بەتۆنی ل سەر سینۆرێ رۆژئاڤا-سووریێ د بن چاڤدێریا فەرمانداریا پاسه‌وانێن سینۆر یێن ئیراقێ دا تێ چێکرن.”»
ملیسێن گرێدایی په‌كه‌كێ ئەڤ دو سالن ل سەر دیوار دخەبتن و دپارێزن
داخویانیا بەردەڤکێ فەرمانداریا پاسه‌وانێن سینۆر یێن ئیراقێ کەرحی نووچەیا په‌كه‌كێ رەد کر. لێبەلێ، ل پشت دیواران راستیەک دن هەبوو. په‌كه‌كە و رێڤەبەریا رۆژئاڤا ل سەر بەشا شەنگالێ یا دیوار ل گه‌ل حكوومه‌تا ئیراقێ ل هەڤ کربوون و بێدەنگ مان. نها، پشتی کو دەرباسی سینۆرێ هەرێما کوردستانێ بوون، خوە وەکە خەشیم کو ژ بوویەرێ بێخەبەرن نیشان ددن.
دەولەتا ئیراقێ د نیسانا 2022ێ دا دەست ب ئاڤاکرنا دیوارەکی ل هەرێما د ناڤبەرا رۆژئاڤا و شنگالێ دا کر. هەر چەند مەدیایا په‌كه‌كێ وێ دەمێ چەند جاران ل سەر ڤێ مژارێ نووچە چێکر ژی، پاشێ د ناڤبەرا کۆمیتەیا تێکلیێن دەرڤە یا په‌كه‌كێ ل بەغدایێ و ئیستیخباراتا ئیراقێ دا رێکەفتنەک هات کرن. ل گۆری رێکەفتنێ، په‌كه‌كە و رێخستنێن گرێدایی وێ دێ دەستوەردانێ ل ئاڤاکرنا دیوارێ ل سەر خەتا تەل عەفەر- شەنگالێ ژ ئالیێ ئیراقێ ڤە نەکن. په‌كه‌كێ هەتا ب وەرگرتنا پشكه‌كێ ژ پەیمانێن لۆژیستیکی ژ بۆ تیما کو ل سەر دیوار دخەبتی ل هەرێمێ، ژ ئالیێ دارایی ڤه کۆژمەکی مەزن یێ پەرەیان وەرگرت.
هەر وها، ملیسێن یه‌به‌شێ یێن سەر ب په‌كه‌كێ، د بن سیوانا حه‌شدا شەعبی دا، ئەڤ دو سالن دیوارێ ل شنگالێ دپارێزن. هەر چەند چاپەمەنییا په‌كه‌كێ دو سالن ل شنگالێ ل دەڤەرێن د بن کۆنترۆلا په‌كه‌كە و یه‌په‌گێ دا ئاڤا دکر، لێ بێدەنگ مان و ئەڤ مژار ژ رایا گشتی ڤەشارتن. لێبەلێ، پشتی کو دیوارێ شنگالێ قەدیا، چاپەمەنییا سەر ب په‌كه‌كێ ڤە دیسا نووچەیێن درەوین یێن کو په‌ده‌كێ و حكوومه‌تا هەرێما کوردستانێ هەدەف دگرن، وەشاندن.
چاپەمەنییا په‌كه‌كێ دیوارێن کو ژ هێلا ئیراقێ ڤە هاتنە چێکرن وەکی کو ژ هێلا په‌ده‌كێ ڤە هاتنە چێکرن نیشان ددەت و ب ڤی شێوازی دخوازیت دژمناتیا خوە یا ل دژی په‌ده‌كێ بدۆمینن.
