كۆمه‌كا دن گه‌ریلایێن كو په‌كه‌كێ مرنا وان ب سالانه ڤه‌شارتی
ناسنامه‌یا 4 جوانێن دن یێن كوردان ئاشكه‌ره بوو كو ژ سالا 2021ێ ڤه كه‌تنه به‌ر ئێریشێن ده‌وله‌تا ترك و رێخستنا په‌كه‌كێ مرنا وان ڤه‌شارتی هشتبوو.
هه‌په‌گێ باسكێ له‌شكه‌ری یێ په‌كه‌كێ رۆژا شه‌می 27 ئیلۆنا 2025ێ، ناسنامه‌یێن 4 چه‌كدارێن خوه یێك ژێ ژن ئاشكه‌ره كرنه كو پێشی 4 سالان به‌رێ وان دایه مرنێ و هه‌یا رۆژا مه یا ئیرۆ مرنا وان ڤه‌شارتی هشتبوو.
ئه‌ڤ 4 جوانێن كوردان ل مه‌هێن خزیران و تیرمه‌ها سالا 2021ێ ل چیایێن گاره و مه‌تینایێ كه‌تنه به‌ر ئێریشێن ده‌وله‌تا ترك.
ناڤێن وان وسایه:
دیلان محه‌مه‌د ژ مانیسایێ.
ئێحسان مه‌نسوور ژ ئامه‌دێ.
فرات شه‌ره‌ف ژ وانێ.
ژێهات باگۆك (ناڤێ كۆد).
په‌كه‌كێ د په‌سنێ ته‌ڤان ده گۆتیه ئه‌و ملیتانێن مه یێن ئاپۆیی بوون، خوه فه‌دایێ ئاپۆ كرن!.
په‌كه‌كه هه‌ر رۆژ وێنه‌یێن كۆمێن كه‌چ و جوانێن كوردان د مه‌دیایا خوه ده پارڤه‌دكه، جوانێن كو د سال و مه‌هێن به‌رێ ده داینه كوشتن و مرنا وان هه‌یا رۆژا مه یا ئیرۆ ڤه‌شارتی هشتی، ل گۆری ئاگاهیێن ده‌ستێ مه، هێژان ب هه‌زاران جوان ما نه كو ناسنامه‌یا وان ڤه‌شارتی مایه و په‌كه‌كێ مرنا وان ئیفشا نه‌كری یه.
