كاراسو: ئۆجالان فه‌رمانا باهچه‌لی ب جیهـ ئانی
رێڤه‌برێ په‌كه‌كێ مسته‌فا كاراسو ده‌ربارێ پێڤاژۆیا ئاشتیێ یا كو تركیه ناڤێ تركیه‌یا بێ ته‌رۆر لێ دكه راگهاند كو تشتا كو باهچه‌لی گۆتی ئۆجالان ب جیهـ كر، لێ ب ڤێ نێزیكاتییا كو نها تركیه دكه، چ پێشكه‌تن چێنابه.
ئەندامێ کۆنسەیا برێڤەبر یا كه‌جه‌كێ مسته‌فا کاراسو ژ مەدیا هابەرێ رە ئاخڤی و روودانێن داوی یێن دەربارێ پێڤاژۆیا چارەسەریێ نرخاندن كرن.
کاراسو هەڤدیتنا پارێزەران یا ب عبدوللا ئۆجالان رە وەکی تشتەکی “نۆرمال” ب ناڤ کر و گۆت کو دڤێ وەکی بریارەکە سیاسی نەیێ دیتن، لێ ژ بەر کو د پێڤاژۆیەکە وها دە پێک هاتیە دڤێ گرینگ بێ دیتن.
کاراسو داخویانیێن سەرۆکێ مه‌هه‌پێ دەڤلەت باهچەلی ب بیر خستن و گۆت: «دەڤلەت باهچەلی گۆت، بلا رێخستنێ فەسخ بکە؛ بێ ل مەجلیسێ بئاخڤە. ئۆجالان فەرمانا فەسخکرنا په‌كه‌كێ دا، خوەست، تێکۆشینا چەکداری بێ راوەستاندن، مە ژی فەرمانێن ئاپۆ ب جیهـ ئانین».
ده‌ستنیشان كر، لێبه‌لێ گۆتنێن دەڤلەت باهچەلی نەهاتن بجهئانین. دڤێ بێن ب جهـ ئانین. چاوا کو مە ب جهـ ئانین، دڤێ دەڤلەت باهچەلی ژی،حکومەتا ئاكه‌پێ-مه‌هه‌پێ ژی ب جهـ بینە، داخوازێن ئۆجالان پێک وەرن، ببە خوەدی دەرفەتێن ئازاد یێن خەباتێ.
هه‌روه‌ها گۆت: لێ بەلێ هەتا نها ئەڤ یەک پێک نەهات. ئۆجالان بەرسڤ دا داخویانیا باهچەلی و بەرپرسیاریا خوە ب جهـ ئانی.
ئۆجالان ل 27 سباتا ئیسال ل سه‌ر داخوازا ده‌وله‌ت باخچه‌لی بانگا فه‌سخكرنێ ل په‌كه‌كێ كربوو و ژ رێخستنێ ره گۆ مۆدێلا وه نه‌ما چه‌كان ده‌ینن.
ئۆجالان ئه‌ڤ بانگ بێی كو ت گارانتیه‌ك بۆ كوردان ل باكورێ كوردستانێ ژ بۆی تركیه‌یێ كر و هێژان ژی تركیه‌یێ ت گاڤێن پراكتیك د مژارا ئاشتیا جڤاكی و چاره‌سه‌رییا دۆزا كوردی ل وێ په‌رچه‌یا وه‌لات نه‌ئاڤێتیه.
