ھەسەدێ ل دێرازۆرێ ئۆپەراسیۆنەک ئەنجامدا

ناڤەندا راگھاندنێ یا ھەسەدێ راگھاند، د ئۆپەراسیۆنەکا ل گوندەوارێ رۆژھلاتێ دێرازۆرێ دە، شانەیەکا داعشێ یا ژ سێ کەسان پێک دھات، ھاتیە گرتن.

ل گۆری داخویانیا کو ژ ئالیێ ناڤەندا راگھاندنێ یا ھەسەدێ ڤە ھاتیە بەلاڤکرن، ئۆپەراسیۆن ل گوندێ تگێھی یێ رۆژھلاتێ دێرازۆرێ هاتیە ئەنجامدان.

د داخویانیێ دە ھات گۆتن: “ھێزێن مە تەڤگەرا شانەیا چەتەیان شۆپاند، جھێ لێ دمینن دۆرپێچ کر و بێیی کو چ ونداھیان بدن ئەندامێن شانەیێ گرتن.”

ھەسەدێ دا زانین کو ئەندامێن شانەیا گرتی، ئامادەکاریێن ئێرشان ل دژی ئەولەھی و ئارامیا ھەرێمێ دکرن. ھات دەستنیشانکرن کو د ئۆپەراسیۆنێ دە ھندەک چەک و بەلگەیێن گرێدایی چەتەیان ژی ھاتنە دەستەسەرکرن.