ناسنامه‌یا 4 جوان و زارۆكێن دن یێن كوردان ئاشكه‌ره بوو كو ژ سالا 2018ێ ڤه ل چیایێ گاره كه‌تنه به‌ر ئێریشێن ده‌وله‌تا ترك و رێخستنا په‌كه‌كێ ئه‌ڤ 7 سالن مرنا وان ڤه‌شارتی یه، یێك ژ ڤان جوانان ژ هه‌ولێرێ یه.
هه‌په‌گێ باسكێ له‌شكه‌ری یێ په‌كه‌كێ رۆژا یه‌كشه‌می 5 جۆتمه‌ها 2025ێ، ناسنامه‌یێن 4 چه‌كدارێن خوه یێك ژێ زارۆك ئاشكه‌ره كرنه كو پێشی 7 سالان به‌رێ وان دایه مرنێ و هه‌یا رۆژا مه یا ئیرۆ مرنا وان ڤه‌شارتی هشتبوو.
ئه‌ڤ 4 جوانێن كوردان ل كانوونا 2018ێ ل چیایێ گاره كه‌تنه به‌ر ئێریشێن ده‌وله‌تا ترك.
ناڤێن وان وسایه:
ئووگوور حاجی ژ شرنه‌خێ.
ڤه‌دات سلێمان ژ ئه‌ده‌نه‌یێ.
جه‌ناب حاجی ژ ئه‌رزه‌روومێ.
معاویه كاكا ژ هه‌ولێرێ.
په‌كه‌كێ د په‌سنێ ته‌ڤان ده گۆتیه ئه‌و ملیتانێن مه یێن ئاپۆیی بوون، خوه فه‌دایێ ئاپۆ كرن!.
په‌كه‌كه هه‌ر رۆژ وێنه‌یێن كۆمێن كه‌چ و جوانێن كوردان د مه‌دیایا خوه ده پارڤه‌دكه، جوانێن كو د سال و مه‌هێن به‌رێ ده داینه كوشتن و مرنا وان هه‌یا رۆژا مه یا ئیرۆ ڤه‌شارتی هشتی، ل گۆری ئاگاهیێن ده‌ستێ مه، هێژان ب هه‌زاران جوان ما نه كو ناسنامه‌یا وان ڤه‌شارتی مایه و په‌كه‌كێ مرنا وان ئیفشا نه‌كری یه.
