پۆلیسێن ئیراقێ برازایێ بەرپرسەکی پەکەکێ ل شەنگالێ دەستەسەرکر

بریارە د 11/11/2025 دە هلبژارتنێن پارلەمەنتۆیا ئیراقێ بێن ئەنجامدایین، هێز و ئالیێن گرێدایی حەشدا شەعبی ژ بۆی بدەستخستنا دەنگێن زێدەتر هەر تشتی دکن، حەشدا شەعبی ب هەزاران کارتێن دەنگدایینێ یێن هەڤوەلاتیێن ئیراقێ کرینە و دخوازە ب رێیا ڤان کارتان دەنگێن خوەدیێن کارتان ژ خوە رە مسۆگەر بکە، ل سەر ڤێ یەکێ ژی برازییێ یەک ژ بەرپرسێن پایەبلدن یێن پەکەکێ ل شەنگالێ ب تاوانا کرینا کارتێن دەنگدایینێ ژ بۆ یەک ژ پارتیێن سەر ب حەشدا شەعبی ڤە ژ ئالیێ پۆلیسێن پێشیلێگرتنا تاوانان ڤە هاتیە دەستەسەرکرن.

چاڤکانیێن پێگەها «دارکا مازی» ئەشکەرە کرن، «هزاع خەیری شەمۆ» کو ب ئەسلا خوە ئێزدییە و ژ شێنیێن باژارۆکێ گر عزێر یێ سەر بەعاجێ ڤە یە، د رۆژا 21/9/2025 دە ژ ئالیێ پۆلیسێن پێشیلێگرتنا تاوانان ل شەنگالێ هاتیە دەستەسەرکرن و ناڤبووری دانپێدان ب کڕینا کارتێن دەنگدانێ د بەرژەوەندییا کاندیدێن رەیان کلدانی سەرۆکێ بزاڤا بابلیۆن دە کریە.

هزاع خەیری ئەندامێ پەکەکێ یە و پێش نها شۆفێرێ ترومبێلا مامێ خوە یێ ب ناڤێ “نایف شەمۆ خودێدا” سەرۆکێ برێڤەبەرییا خوەسەر یا شەنگالێ بوویە.