ژ ده‌ما هلوه‌شاندنا خوه ڤه، هه‌ر رۆژ تاوانه‌كا ووسا یا په‌كه‌كێ ئاشكرا دبه
ناسنامه‌یا 6 جوانێن دن یێن كوردان ئاشكه‌ره بوو كو ژ سالا 2023ێ ڤه كه‌تنه به‌ر ئێریشێن ده‌وله‌تا ترك و رێخستنا په‌كه‌كێ مرنا وان ڤه‌شارتی هشتبوو، ژ ده‌ما هلوه‌شاندنا خوه ڤه، هه‌ر رۆژ تاوانه‌كا ووسا یا په‌كه‌كێ ده‌ردكه‌ڤه هۆلێ.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا چارشه‌می 15 جۆتمه‌ها 2025ێ، ناسنامه‌یێن 6 چه‌كدارێن خوه ئاشكه‌ره كرنه كو پێشی 2 سالان به‌رێ وان دایه مرنێ و مرنا وان ڤه‌شارتی هشتبوو.
ئه‌ڤ 6 جوانێن كوردان ل 19ی خزیرانا سالا 2023ێ ل چیایێن باشوورێ كوردستانێ كه‌تنه به‌ر ئێریشێن ده‌وله‌تا ترك.
ناڤێن وان وسایه:
بارش نیازی ژ ئه‌رزه‌روومێ.
كه‌ریم خدر ژ خۆیێ.
باسل فه‌رید ژ عه‌فرینێ.
دیار ئه‌نوه‌ر ژ كۆبانیێ.
حه‌سه‌ن ئه‌حمه‌د ژ دێرازوورێ.
جه‌نگیز خه‌لیل ژ سێرتێ.
په‌كه‌كێ د په‌سنێ ته‌ڤان ده گۆتیه ئه‌و ملیتانێن مه یێن ئاپۆیی بوون، خوه فه‌دایێ ئاپۆ كرن!.
په‌كه‌كه هه‌ر رۆژ وێنه‌یێن كۆمێن كه‌چ و جوانێن كوردان د مه‌دیایا خوه ده پارڤه‌دكه، جوانێن كو د سال و مه‌هێن به‌رێ ده داینه كوشتن و مرنا وان هه‌یا رۆژا مه یا ئیرۆ ڤه‌شارتی هشتی، ل گۆری ئاگاهیێن ده‌ستێ مه، هێژان ب هه‌زاران جوان ما نه كو ناسنامه‌یا وان ڤه‌شارتی مایه و په‌كه‌كێ مرنا وان ئیفشا نه‌كری یه.
