په‌كه‌كێ مرنا ڤان گه‌ریلایان ژ 2017ێ ڤه ڤه‌شارتبوو
ناسنامه‌یا 8 جوانێن دن یێن كوردان ئاشكه‌ره بوو كو رێخستنا په‌كه‌كێ ئه‌و ل سالا 2017ێ ل چیایێ مه‌تینایێ دا نه كوشتن و هه‌یا رۆژا مه یا ئیرۆ مرنا وان ل مالباتێن وان ڤه‌شارتبوو.
هه‌په‌گێ باسكێ له‌شكه‌ری یێ په‌كه‌كێ رۆژا 17ی جۆتمه‌ها 2025ێ، ناسنامه‌یێن 8 چه‌كدارێن خوه ئاشكه‌ره كرنه كو پێشی 8 سالان به‌رێ وان دایه مرنێ و هه‌یا رۆژا مه یا ئیرۆ مرنا وان ڤه‌شارتی هشتبوو.
ئه‌ڤ 8 جوانێن كوردان ل مه‌ها گولانا 2017ێ ل چیایێ مه‌تینایێ یێ ل باشوورێ كوردستانێ كه‌تبوون به‌ر ئێریشێن ده‌وله‌تا ترك.
ناڤێن وان وسایه:
محیه‌ددین سه‌لاحه‌ددین ژ ئامه‌دێ.
نه‌جمه‌ددین حوسه‌ین ژ جۆله‌مێرگێ.
ئه‌حمه‌د چۆلی ژ وانێ.
ئه‌ركان محیه‌ددین ژ وانێ.
ره‌جه‌ب جه‌عفه‌ر ژ وانێ.
یلدز محه‌مه‌د ژ شرنه‌خێ.
تاجددین نه‌سیم ژ مووشێ.
ئۆكه‌ش محه‌مه‌د ژ رهایێ.
په‌كه‌كێ د په‌سنێ ته‌ڤان ده گۆتیه ئه‌و ملیتانێن مه یێن ئاپۆیی بوون، خوه فه‌دایێ ئاپۆ كرن!.
ژ ده‌ما ده‌ستپێكرنا پێڤاژۆیا ئاشتیێ و ب داوی بوونا چالاكیێن چه‌كداری، مالباتێن گه‌ریلایان ل به‌ندا ڤه‌گه‌را زارۆكێن خوه نه، لێ به‌لێ په‌كه‌كه هه‌ر رۆژ وێنه‌یێن كۆمێن وان پارڤه‌دكه و ژ مالباتێن وان ره دبێژه: زارۆكێن وه ب سالانه د ژیانێ ده نه‌مانه.
