ھندەک گۆتن ھاتن کرن و کەسەکی ب میکرۆفۆنێ پۆلیس وەک دژمن ناڤکر و سلۆگانا ، “ئەم دێ ل پەی تەرۆریستان بچن،” و “یان ھوون وی دیواری ڤەکن، یان ژی ئەم دێ وی دیواری ل سەر وە ھلوەشینن.” پشتی دەستوەردانا پۆلیسان، خوەپێشەندەر بەلاڤ بوون.
ل سەر ڤێ یەکێ وەزیرێ ناڤخوە داخویانیەک دا و گۆت: “کەس نکارە پۆلیسێن مە، یێن کو ب فەداکاری خزمەتێ دکن وەک، دژمن ب ناڤ بکە. ئەمێ دەستوورێ نەدن ڤێ یەکێ، ئەز ڤێ یەکێ شەرمەزار دکم. دڤێت ھەر کەس ل زمان و گۆتارێن خوە ھایدار بە. ترکیەیەک بێ تەرۆر نە تەنێ پرۆژەیەک ئەولەھیێیە؛ ئەو پرۆژەیەک ئاشتی، پێشکەفتن و مەزنبوونا براتیا مەیە. ئەو ئارمانجەک شارستانییە. یێن کو دخوازن پێڤاژۆیێ پووچ بکن ھەنە..”
راستیەک ھەیە کو، ژ ھەردو ئالیان ژی ھندەک کەس ناخوازن ئەڤ “پێڤاژۆ” سەربکەڤە و ب ئاوایەکی ھەولدانێن پووچکرنی ھەنە. ھندەک ناخوازن دەست ژ رانتا ب ئاوایەکی دەستخستنە بەردن.
