په‌كه‌كێ ئه‌ڤ كه‌چه ژی دا كوشتن و 3 سالان مرنا وێ ڤه‌شارت
ناسنامه‌یا كه‌چه‌كه دن یا كوردان ئاشكه‌ره بوو كو رێخستنا په‌كه‌كێ ئه‌و ژی 3 سالان به‌رێ د به‌رخوه‌دانا خوه یا ساخته ده دایه كوشتن و مرنا وێ ل مالباتا وێ ڤه‌شارتبوو.
هه‌په‌گێ باسكێ له‌شكری یێ په‌كه‌كێ ئیرۆ رۆژا چارشه‌می 22 جۆتمه‌ها 2025ێ ناسنامه‌یا چه‌كداره‌كا خوه یا ژن ئاشكه‌ره كر كو ل 25 مژدارا 2022ێ ل ده‌ڤه‌را زاپێ یا ل باشوورێ كوردستانێ دایه كوشتن و مرنا وێ ڤه‌شارتی هشتبوو.
ئه‌ڤ چه‌كداره ب ناڤێ سولتان ئیبراهیم تێ ناسكرن و ئه‌و ژ سێرتێ یا باكورێ كوردستانێ یه.
په‌كه‌كه د په‌سنێ وێ ده دبێژه: ئه‌و ملیتانا فه‌دایی یا ئاپۆیی بوو!
ژ ده‌ستپێكرنا پێڤاژۆیا چاره‌سه‌ریێ و د ده‌مه‌كێ ده گه‌ل چاڤه‌رێیا ڤه‌گه‌رینا زارۆكێن خوه دكن، لێ به‌لێ په‌كه‌كه هه‌ر رۆژ وێنه‌یێن كۆمێن وان د مه‌دیایا خوه ده پارڤه‌دكه و ژ مالباتێن وان ره دبێژه زارۆكێن وه د ژیانێ ده نه‌مانه.
ل گۆری ئاگاهیێن ده‌ستێ مه، هێژان ب هه‌زاران كه‌چ و جوانێن كوردان مانه كو د ناڤا په‌كه‌كێ ده ژیانا خوه وه‌ندا كرنه و رێخستنێ مرنا وان ئیفشا نه‌كری یه.
