بەفرێ باژارێ وانێ یێ باکورێ کوردستانێ سپی کر

پێلا یەکێ یا بەفرێ یا پاییزا ئیسال چیا و بلنداھیێن دەردۆرا باژارێ وانێ یێ باکورێ کوردستانێ سپی کرن. دیمەنێن وێ بالا شێنیێن وی باژاری کشاندیە، ئەو وێ وەکی رۆژا یەکێ یا دەمسالا زڤستانا ئیسال دبینن.

ئەڤ دو رۆژن کو بارانێن دژوار ل ناڤەندا وانێ دبارن، لێ ژ بەر داکەتنا پلەیێن گەرمێ ل دەڤەرێن بلند بەفر باریە، لێ ئاستا بەفرێ جودایە و ل بەندەرا کارابەتێ ل بەرانبەری دەڤەرێن دن زێدەترە و گھیشتیە 25 سانتیمەتران.

ل گۆری چاڤکانیێن نووچەیان، ژ بەر بارینا بەفرێ ئارێشەیێن ھاتن و چوونێ ل سەر رێیا د ناڤبەرا وان و باخچەسارایێ دە چێ بوونە، لێ تیمێن شارەداریێ ژ بۆ چارەسەرکرنا ئارێشەیان و ڤەکرنا رێیێ دەست ب راکرنا بەفرێ کریە.

ھەروەسا شۆفێر ژی ژ بەر بەفر و مژا زێدە ب زەحمەت تێن و دچن و ھندەک ژ وان نەچار مانە کو دەمکی ل کێلەکا رێیێ راوەستن.

یەک ژ شۆفێران ب ناڤێ زەکی ئیلتەمیش کێفخوەشیا خوە ب بەفرا یەکێ یا ڤێ دەمسالێ دیار کر و گۆت کو، ئەو ب ھێسانی ژ باخچەسارایێ گھیشتیە کارابەتێ. ھەروەسا گۆت: “تیم ب ئاوایەکێ جدی دخەبتن. ئەڤ دەستپێکا دەمسالا زڤستانێیە و دێ دەمسالەکا دژوار بە.”