ترامپ نامەیەک ژ نێچیرڤان بارزانی رە شاند
سەرۆکێ ئامەریکایێ د نامەیەکێ دە سپاسیا سەرۆکێ ھەرێما کوردستانێ کر، ژ بەر پشتگریا وی ژ بۆ بزاڤێن وی یێن ژ بۆ ئاشتیێ. ھەروەسا گرینگیا بداویانینا ناکۆکی و ئالۆزیان ل رۆژھلاتا ناڤین ژی تەکەز کر.
سەرۆکاتیا ھەرێما کوردستانێ د راگھاندنەکێ دە ئاماژە دا کو، شەڤا بۆری سێشەمبێ، 21ێ جۆتمەھا 2025ێ، نامەیەک ژ سەرۆکێ ئامەریکایێ دۆنالد ترامپ گھیشتیە سەرۆکێ ھەرێما کوردستانێ نێچیرڤان بارزانی.
د وێ راگھاندنێ دە ھاتیە گۆتن کو، ترامپ د وێ نامەیێ دە سپاسیا نێچیرڤان بارزانی کریە، ژ بەر پشتگریا وی ژ بۆ بزاڤێن وی یێن ژ بۆ ئاشتیێ. ھەروەسا گرینگیا بداویانینا ناکۆکی و ئالۆزیان ل رۆژھلاتا ناڤین ژی تەکەز کریە.
ترامپ د نامەیا خوە دە ژ بۆ نێچیرڤان بارزانی تەکەز ژی کر کو، وەلاتێن جیھانێ دکارن ژ ناکۆکیێن کەڤن دەرباز ببن و بەر ب پاشەرۆژەکا ھەڤپار یا ئاشتی، سەرکەفتن و پێشڤەچوونێ ڤە بچن.
ل گۆری وێ راگھاندنێ، ترامپ پابەندبوونا خوە و برێڤەبریا خوە ژ بۆ بنەجھکرنا ئاشتیەکا بەردەوام و بداویانینا ئالۆزیان ل رۆژھلاتا ناڤین و بداویانینا شەر و کوشتنان ل دەڤەرێ و ھەمی جیھانێ دیار کریە.
سەرۆکاتیا ھەرێما کوردستانێ ئاماژە دا وێ یەکێ ژی کو، ترامپ د داویا نامەیا خوە دە تەڤی سلاڤ و رێزان ژ نێچیرڤان بارزانی و مالباتا وی رە سەرکەفتن خوەستیە.
