هەپەگە: ئەم ئالیگرێ چارەسەریەک دەمۆکراتیکن..!

فەرماندارەکا ھێزێن پاراستنا گەل (ھەپەگێ) دبێژە کو ئازادکرنا رێبەرێ پارتیا کارکەرێن کوردستانێ (پەکەکێ)یێ گرتی عەبدوللاھ ئۆجالان ژ بۆ سەرکەفتنا پێڤاژۆیا چارەسەریێ ل ترکیەیێ گرینگە. وی زێدە کر کو بریارا ڤەکشینا گەریلایێن وان ژ باکورێ کوردستانێ و ترکیەیێ ب نیەتێن “باش” بوو دا کو پێڤاژۆ سەرکەفتی بە.

فەرماندارا ھەپەگێ دورین پالۆ گۆت کو ئازادکرنا عەبدوللاھ ئۆجالان “ژ بۆ پێشڤەچوونا ڤێ پێڤاژۆیێ گرینگە. وی گۆت، “ئەم ئالیگرێ چارەسەریەکا دەمۆکراتیک یا پرسگرێکا کوردن.”

ل گۆری ھەژمارێن نەفەرمی، د دەھسالێن داوی دە د شەرێ د ناڤبەرا ئارتێشا ترکیەیێ و چەکدارێن پەکەکێ دە نێزیکی 50.000 کەس ھاتنە کوشتن.

پالۆ دبێژە کو ئۆجالان د پێڤاژۆیا چارەسەریێ دە رۆلەکە گرینگ لیستیە و ژ بەر ڤێ یەکێ “دڤێت بکاربە ب ھێسانی ب مرۆڤان رە باخڤە. وی داخواز کر کو رەوشا ئۆجالان د گرتیگەھێ دە “زوو باشتر ببە”.

پەکەکێ بریار دایە کو ھێزێن خوە ژ باکورێ کوردستانێ و ترکیەیێ ڤەکشینە. “د ھاویردۆرا سیاسی دە کەس ھەنە کو ل دژی پێڤاژۆیێ نە و پشتگرییا وێ ناکن. ئەم نابێژن کو دڤێت ھەر کەس خوەدی ھەمان رامان بە، لێ دڤێت ئەو ل سەر زمانێ کو بکار تینن بالدار بن،” هەر وەها گۆت کو سەرکەفتنا پێڤاژۆیێ د شەڤەکێ دە یان ژی د چەند مەھان دە چێنابە.

ل سەر داخوازیا سەرۆکێ مەھەپێ ، 27ێ سباتا 2025ێ عەبدوللاھ ئۆجالان بانگ ل پەکەکێ کر کو چەکان دەینە، کۆنگرەیەکێ ل دار بخە و خوە ھلوەشینە؛ پشترە پەکەکێ ژ 5 ھەتا 7ێ گولانێ کۆنگرەیا خوەیا 12ێ ل دار خست و بریار دا کو خوە ھلوەشینە.

د 11ێ تیرمەھێ دە، کۆمەک چەکدارێن پەکەکێ د مەراسیمەکێ دە ل شکەفتا جاسانە ل ناڤچەیا دوکان یا پارێزگەھا سلێمانیێ چەکێن خوە شەوتاندن وەکی “دەربرینا نیەتا باش” ژ بۆ سەرکەفتنا پێڤاژۆیا چارەسەریێ ل ترکیەیێ.

30 چەکداران، د ناڤ دە بەسی ھۆزات، ھەڤسەرۆکێ پارتیا کارکەرێن کوردستانێ (کەجەکێ) و سێ بەرپرسێن دن یێن پایەبلند، د مەراسیمێ دە چەکێن خوە شەوتاندن.

ترکیێ کۆمیتەیەک پارلەمانی ل سەر پێڤاژۆیا ئاشتیێ ئاڤا کریە.