ئاكه‌په و ده‌م پارتی په‌سنێ ڤه‌كشینا په‌كه‌كێ دكن
هەڤسەرۆکێن گشتی یێن دەم پارتیێ تونجەر باکرهان و تولای هاتیمۆگوڵار، پشتی داخویانیا په‌كه‌كێ یا ڤەکشینا ژ ترکیەیێ، جڤینەکە چاپەمەنیێ ل دار خست.
تونجەر باکرهان بریارا ڤەکشینێ وەکی “ئیرادەیا هەری ب بریارا ل سەر رێیا ئاشتیێ” و “بانگا هەری خورت یا ژ بۆ سەردەمەکە نوو” ب ناڤ کر.
ئاک پارتیێ د داخویانیێن خوە یێن دەستپێکێ دە بریارا ڤەکشینێ یا په‌كه‌كێ ب ئەرێنی پێشوازی کر.
پشتی بریارا ڤەکشینا هێزێن په‌كه‌كێ ژ ترکیەیێ، سەرۆککۆمارێ ترکیەیێ دێ رۆژا 30ێ مەهێ پێشوازیا هەیئەتا ئیمرالیێ یا دەم پارتیێ بکە.
دوهـ رۆژا یه‌كشه‌می د گاڤه‌كه نوو ده په‌كه‌كێ ل سه‌ر بانگا ئۆجالان بریارا ڤه‌كشینا ته‌ڤ هێزێن خوه ژ باكورێ كوردستانێ بۆ باشوورێ كوردستانێ دا.
بریارا ڤێ ڤه‌كشینێ ئۆجالان دایه بێی كو ت گارانتیه‌ك نه ژ بۆ پێڤاژۆیێ و نه ژی یا دوباره ده‌ركه‌تنا شه‌ر هه‌به، ته‌ڤی كو پرانیا هێزێن په‌كه‌كێ ل باشوور جیهـ دگرن و ت هێزێن ووسا ل باكور تونه.
ل گۆری راپۆرێن یه‌كیتییا ئه‌ورۆپایێ یێن سالا 2021ێ سه‌دی 90 یا په‌ڤچوونێن په‌كه‌كێ و تركیه‌یێ ل سه‌ر خاكا باشوورێ كوردستانێ تێن ئه‌نجام دایین و په‌كه‌كێ ت چالاكیێن ووسا ل باكورێ كوردستانێ كو مه‌یدانا وێ یا به‌رخوه‌دانێ یه و هه‌روه‌ها تركیه‌یێ تونه.
