10 گه‌ریلایێن په‌كه‌كێ به‌ری ساله‌كێ داینه كوشتن و مرنا وان ڤه‌شارتی
ناسنامه‌یا 10 جوانێن دن یێن كوردان ئاشكه‌ره بوو كو رێخستنا په‌كه‌كێ ئه‌و ل سالا 2024ێ ل هه‌رێما زاپێ دا نه كوشتن و مرنا وان ڤه‌شارتبوو.
هه‌په‌گێ باسكێ له‌شكه‌ری یێ په‌كه‌كێ رۆژا 26ی جۆتمه‌ها 2025ێ، ناسنامه‌یێن 10 چه‌كدارێن خوه 2 ژێ كه‌چ ئاشكه‌ره كرنه كو ل مه‌هێن ته‌باخ و مژدارا 2024ێ ل هه‌رێما زاپێ یا ل باشوورێ كوردستانێ به‌رێ وان دایه مرنێ و هه‌یا رۆژا مه یا ئیرۆ مرنا وان ڤه‌شارتی هشتبوو.
ئه‌ڤ 8 جوانێن كوردان ل مه‌هێن ته‌باخ و مژدارا سالا رابووری ل هه‌رێما زاپێ كه‌تبوون به‌ر ئێریشێن ده‌وله‌تا ترك.
ناڤێن وان وسایه:
مژدار عومه‌ر ژ كۆبانێ.
به‌رچه لوقمان ژ ئه‌لمانیا.
شه‌مسا عادل ژ منبجێ.
حسێن ئه‌حمه‌د ژ شه‌هبایێ.
مسته‌فا عه‌بدولره‌حمان ژ ئامه‌دێ.
ئارمان عوسمان ژ بۆكانێ.
مه‌یسه‌م حه‌سه‌ن ژ ماكۆیێ.
عه‌دنان ئه‌حمه‌د ژ منبجێ.
ردوان عه‌دنان ژ دربێسیێ.
یوسوفجان ئیلامی ژ سته‌نبۆلێ.
په‌كه‌كێ د په‌سنێ ته‌ڤان ده گۆتیه ئه‌و ملیتانێن مه یێن ئاپۆیی بوون، خوه فه‌دایێ ئاپۆ كرن!.
ژ ده‌ما ده‌ستپێكرنا پێڤاژۆیا ئاشتیێ و ب داوی بوونا چالاكیێن چه‌كداری، مالباتێن گه‌ریلایان ل به‌ندا ڤه‌گه‌را زارۆكێن خوه نه، لێ به‌لێ په‌كه‌كه هه‌ر رۆژ وێنه‌یێن كۆمێن وان پارڤه‌دكه و ژ مالباتێن وان ره دبێژه: زارۆكێن وه ب سالانه د ژیانێ ده نه‌مانه.
ل گۆری ئاگاهیێن ده‌ستێ مه، هێژان ب هه‌زاران جوان ما نه كو ناسنامه‌یا وان ڤه‌شارتی مایه و په‌كه‌كێ مرنا وان ئیفشا نه‌كری یه.
