ناسنامه‌یێن 5 گه‌ریلایێن سالا 2014 ژ نوو ئاشكه‌ره بوو
ناسنامه‌یا 5 گه‌ریلایێن دن یێن په‌كه‌كێ ئاشكه‌ره بوو كو رێخستنێ ل سالا 2014ێ به‌رێ وان دابوو مرنێ و پاش ده‌رباسبوونا 11 سالان ژ نوو مرنا وان ئیفشا بوو.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا چارشه‌می 29 جۆتمه‌ها 2025، ناسنامه‌یێن 5 چه‌كدارێن خوه یێك ژێ ژن ئاشكه‌ره كرنه كو ل مه‌هێن ته‌باخ و مژدارا 2024ێ ل هه‌رێما زاپێ یا ل باشوورێ كوردستانێ به‌رێ وان دایه مرنێ و هه‌یا رۆژا مه یا ئیرۆ مرنا وان ڤه‌شارتی هشتبوو.
ئه‌ڤ 8 جوانێن كوردان ل مه‌هێن نیسان، ته‌باخ و جۆتمه‌ها 2014 ل هه‌رێمێن گاره، زاپ و ئاڤاشینێ كه‌تبوون به‌ر ئێریشێن ده‌وله‌تا ترك.
ناڤێن وان وسایه:
جه‌بار محه‌مه‌د ئه‌مین ژ مه‌ریوانێ.
دیلان نازم ژ ئه‌رده‌خانێ.
ئۆلاش تورابی ژ بۆرسایێ.
عادل حه‌مزه ژ رهایێ.
موسلم محه‌مه‌د ژ رهایێ.
په‌كه‌كێ د په‌سنێ ته‌ڤان ده گۆتیه ئه‌و ملیتانێن مه یێن ئاپۆیی بوون، خوه فه‌دایێ ئاپۆ كرن!.
ژ ده‌ما ده‌ستپێكرنا پێڤاژۆیا ئاشتیێ و ب داوی بوونا چالاكیێن چه‌كداری، مالباتێن گه‌ریلایان ل به‌ندا ڤه‌گه‌را زارۆكێن خوه نه، لێ به‌لێ په‌كه‌كه هه‌ر رۆژ وێنه‌یێن كۆمێن وان پارڤه‌دكه و ژ مالباتێن وان ره دبێژه: زارۆكێن وه ب سالانه د ژیانێ ده نه‌مانه.
ل گۆری ئاگاهیێن ده‌ستێ مه، هێژان ب هه‌زاران جوان ما نه كو ناسنامه‌یا وان ڤه‌شارتی مایه و په‌كه‌كێ مرنا وان ئیفشا نه‌كری یه.
