باکرهان: هنجەتا چەکان نەمایە، دڤێ ماف بێن مسۆگەرکرن

هەڤسەرۆکێ گشتی یێ دەم پارتیێ تونجەر باکرهان ل قەرسێ ئاخڤی و بانگ ل دەولەتێ کر کو ئێدی هنجەتا شەر نەمایە و دڤێ ب زاگۆنێن ڤەگوهێز ماف و ئازادی ب ئاوایەکی یاسایی بێن مسۆگەرکرن.

باکرهان ئیرۆ 30ی جۆتمەهێ د هەڤدیتنا گەل و باوەریان دە ئاخڤی، کو نوونەرێن گەلەک گەل و باوەریێن جودا بەشدار بوون. باکرهان چاندا پێکڤەژیانێ یا ل قەرسێ وەکە میناکەک ژ بۆ ترکیەیێ نیشان دا و گۆت، «داخوازا مە کۆمارەکە دەمۆکراتیکە کو هەموو ناسنامەیان هەمبێز بکە و ئەم د هقووقا دەولەتێ دە وەکهەڤیێ دخوازن».

دەربارێ ڤەکشینا هێزێن چەکدار یا ل سەر بانگا عه‌بدوللا ئۆجالان دە، باکرهان گۆت: «مادەم پرسگرێکا چەکان ژ هۆلێ رادبە، ئەرکێ دەولەتێ یە کو سەپانێن نیژادپەرەست و دژ-دەمۆکراتیک راکە».

هەروها دا زانین ژی، ئێدی هنجەتا نیژادپەرەستان نەمایە و گۆت: «دڤێ هقووقەکە مسۆگەر وەرە ئاڤاکرن، دا کو سبە کەسەک نکاربە ل گۆری سەرێ خوە بگوهەرینە. تێکۆشینا مە ژ بۆ ڤێ یە».