ھەسەدە: 5 ئەندامێن داعشێ ھاتن گرتن

ھێزێن سووریا دەمۆکرات (ھەسەدێ) راگھاند، د ئۆپەراسیۆنەکا ھەڤبەش دا لگەل ھەڤپەیمانیا ناڤدەولەتی، ل گوندەوارێ رەقایێ شانەیەکا تەرۆریستی یا داعشێ تێک بریە و 5 ئەندامێن وێ گرتنە.

ل گۆر داخویانیا ناڤەندا راگھاندنێ یا ھەسەدێ، ئۆپەراسیۆن بەربانگا ئیرۆ 1ێ مژدارێ ل باژارۆکێ تل ئەل سەمن یێ باکورێ رەقایێ پێک ھات.

د داخویانیێ دە ھاتە دەستنیشانکرن، د ئەنجاما ئۆپەراسیۆنێ دە 5 تەرۆریستێن داعشێ ھاتن گرتن، کو د ناڤ وان دە 3 سەرچەتە ھەنە. ڤان سەرچەتەیان د پلانکرن و ئەنجامدانا ئێریشان ل دژی خالێن لەشکەری و سازیێن رێڤەبەریا خوەسەر دە رۆل لیستنە.

ھەسەدێ تەکەز کر، ئەڤ ئۆپەراسیۆنا سەرکەفتی ئەنجاما “ھەماھەنگیا بلند” یا د ناڤبەرا یەکینەیێن وان و ھەڤپەیمانیا ناڤدەولەتی دەیە. ھەروھا سۆزا خوە دوبارە کر کو ئۆپەراسیۆنێن وان یێن ل دژی شانەیێن داعشێ دێ ھەتا کو ئەولەھیا ھەرێمێ ب تەمامی وەرە مسۆگەرکرن بەردەوام بن.