پشتی دو سالان، سبە بالەفرا یەکێ یا ترکیەیێ دێ گەهیتە سلێمانیێ

پشتی زێدەتری دو سالان ژ راوەستاندنێ، بریارە کو سبە دوشەمبێ، 3یێ مژدارا 2025ێ، دەمژمێر 1:00 سەرێ سبەھێ بالەفرا یەکێ ژ ستەنبۆلێ بگھیژە بالافرخانەیا ناڤنەتەوەیی یا سلێمانیێ و دەمژمێر 3:00 سەرێ سبەھێ دیسا ڤەگەرە ترکیەیێ.

ل گۆری زانیاریان، بریارە کو ھەر ھەفتیێ، د رۆژێن شەمبی، دوشەمبی، سێشەمبی و ئینێ دە، گەشتێن د ناڤبەرا بالافرخانەیا سلێمانیێ و ترکیەیێ دە ب رێیا خەتا بالافرڤان یا تورکش ئێرلاین بێن کرن.

شیرکەتا تورکش سبە یا بالەفرڤانیێ راگھاند: “ئەو بالافر دێ دەمژمێر 22:30 ئیشەڤ ب دەما ستەنبۆلێ بەر ب سلێمانیێ ڤە بچە و دەمژمێر 1:10 سەرێ سبەھێ ب دەما کوردستانێ دێ بگھیژە سلێمانیێ.”

راوەستاندنا گەشتێن ئاسمانی یێن بالەفرخانەیا سلێمانیێ ژ بۆ ترکیەیێ باندۆر ل سەر گەشتێن وەلاتیان، ب تایبەتی ژی یێن بازرگانێن باژارێ سلێمانیێ، کربوو.

قەدەغەیا گەشتێن ئاسمانی یێن ترکیەیێ ژ بۆ بالافرخانەیا ناڤنەتەوەیی یا سلێمانیێ ل رۆژا 3یێ نیسانا 2023 دە ب بریارەکا فەرمییا حکوومەتا ترکیەیێ ھاتبوو دەستپێکرن.

سەرۆکێ ھەرێما کوردستانێ نێچیرڤان بارزانی ل رۆژا پێنجشەمبێ 9ێ جۆتمەھا 2025ێ، لگەل سەرۆکۆمارێ ترکیەیێ رەجەب تەییب ئەردۆگان جڤیا و ل سەر سزایێن ل سەر بالافرخانەیا سلێمانیێ نیقاش کرن. ئەردۆگان د وێ جڤینێ دە ل سەر داخوازا نێچیرڤان بارزانی بریار دا کو سزایێن ل سەر بالافرخانەیا سلێمانیێ راکە.