ئەردۆگان: جڤینا من یا لگەل شاندا دەم پارتیێ ئەرێنی بوو
سەرۆککۆمارێ ترکیەیێ راگھاند کو، جڤینا وی یا لگەل شاندا دەم پارتیێ ئەرێنی و بەرھەمدار بوویە و د ڤان رۆژان دە ئەنجامێن وێ دێ دیار ببن.
سەرۆککۆمارێ ترکیەیێ رەجەب تەییب ئەردۆگان ئیرۆ یەکشەمبێ، 2یێ مژدارا 2025ێ، د گۆتارەکێ دە ل ستەنبۆلێ راگھاند کو، جڤینا وی یا لگەل شاندا پارتیا وەکھەڤی و دەمۆکراسیا گەلان (دەم پارتی)یا ئیمرالیێ ئاڤاکەر و جھێ ھێڤیێ بوو. ھەروەسا گۆت کو، ئەنجامێن وێ جڤینێ دێ د رۆژێن بهێت دە بێن دیتن.
سەرۆککۆمارێ ترکیەیێ د دەرحەقا پێڤاژۆیا دانانا چەکان یا پارتیا کارکەرێن کوردستانێ (پەکەکێ) دە راگھاند: “د ڤێ قۆناغێ دە پێنگاڤێن گرینگ ھاتنە ئاڤێتن و ھەڤپەیمانیا کۆمارێ دێ ڤێ پێڤاژۆیێ ب ئاوایەکێ سەرکەفتی بداوی بینە.”
سەرۆککۆمارێ ترکیەیێ رەجەب تەییب ئەردۆگان ل رۆژا پێنجشەمبێ 30ێ جۆتمەھا 2025ێ، د چارچۆڤەیا بزاڤێن دۆزا کوردان دە ژ بۆ جارا سێیێ ل ئیمرالیێ پێشوازی ل شاندا پارتیا وەکھەڤی و دەمۆکراسیا گەلان (دەم پارتی) کر.
ئەڤ جڤین ل کۆچکا سەرۆکاتیێ ل ئەنقەرەیێ ھات لدارخستن و تێ دە پێشکەتنێن داویێ یێن د پێڤاژۆیا ئاشتیێ و پێنگاڤێن پاشەرۆژێ دە ھاتن نیقاشکرن.
ئەڤ جڤین د دەمەکێ دەیە کو، پارتیا کارکەرێن کوردستانێ (پەکەکێ) د پێنگاڤەکا نوو دە ڤەکێشانا ھێزێن خوە ژ ئاخا ترکیەیێ راگھاند. ئەڤ بریاران پەکەکێ پشتی کۆنگرەیا 12ێ یا پەکەکێ تێ، کو تێ دە بریارا ھلوەشاندنا رێکخستنی و بداویانینا خەباتا چەکداریێ ھات دان.
