ناسنامه‌یا 7 گه‌ریلایێن كو په‌كه‌كێ مرنا وان ل زاپێ ڤه‌شارتی ئاشكه‌ره بوو
ناسنامه‌یا 7 جوانێن دن یێن كوردان ئاشكه‌ره بوو كو رێخستنا په‌كه‌كێ ئه‌و ل ئادارا ئیسالێ ل زاپێ دا نه كوشتن و مرنا وان ڤه‌شارتی هشتبوو.
هه‌په‌گێ باسكێ له‌شكه‌ری یێ په‌كه‌كێ رۆژا یه‌كشه‌می 2ێ مژارا 2025ێ، ناسنامه‌یێن 7 چه‌كدارێن خوه ئاشكه‌ره كرنه كو ل ئادارا ئیسال 2025ێ ل ده‌ڤه‌را زاپێ یا ل باشوورێ كوردستانێ دانه كوشتن و مرنا وان ڤه‌شارتی هشتبوو.
ناڤێن وان وسایه:
عه‌گید راسیم ژ به‌دلیسێ.
بێریڤان حسنو ژ شرنه‌خێ.
ره‌جه‌ب عیسا ژ مێردینێ.
وه‌یسی ره‌جه‌ب ژ جۆله‌مێرگێ.
عومه‌ر حه‌ردان ژ حه‌سه‌كێ.
سالم سوله‌یمان ژ رمێلانێ.
خه‌لیل عه‌بدولقادر ژ ره‌ققایێ.
په‌كه‌كێ د په‌سنێ ته‌ڤان ده گۆتیه ملیتانێن مه یێن ئاپۆیی بوون خوه فه‌دایێ رێبه‌رتیێ كرن!.
ژ ده‌ما ده‌ستپێكرنا پێڤاژۆیا ئاشتیێ و ب داوی بوونا چالاكیێن چه‌كداری، مالباتێن گه‌ریلایان ل به‌ندا ڤه‌گه‌را زارۆكێن خوه نه، لێ به‌لێ په‌كه‌كه هه‌ر رۆژ وێنه‌یێن كۆمێن وان پارڤه‌دكه و ژ مالباتێن وان ره دبێژه: زارۆكێن وه ب سالانه د ژیانێ ده نه‌مانه.
ل گۆری ئاگاهیێن ده‌ستێ مه، هێژان ب هه‌زاران جوان ما نه كو ناسنامه‌یا وان ڤه‌شارتی مایه و په‌كه‌كێ مرنا وان ئیفشا نه‌كری یه.
