چ رێبه‌ران ب قاسی ئۆجالان شه‌رمه‌زاری و رووره‌شی بۆ خوه تۆمار نه‌كرنه
سەرۆک بارزانی رۆژا پینجشه‌مییا رابووری 30 جۆتمه‌ها 2025ێ ل باژارێ دهۆکێ ب هەژمارەکا مەزن یا دایک و مالباتێن شەهیدێن پێشمه‌رگه‌یان ره جڤیابوو.
سەرۆک بارزانی رێز و حورمەتێن خوە ژ مالباتێن شەهیدان رە ئانین زمان و گۆت: “ژ بلی خودێ، ئەم خوە ژ تو کەسی رە ناچەمینن. تەنێ ژ بۆ دایکێن شەهیدان و مالباتێن وان، ئەم دەهـ جاران خوە دچەمینن”.
رێبه‌رێ په‌كه‌كێ عه‌بدوللا ئۆجالان ژی د یێكه‌م روونشتنا دادگه‌ها خوه ده ل گولانا سالا 1999ێ داخوازا لێبۆرینێ ژ دایكێن عه‌سكه‌رێن ترك كر، عه‌سكه‌رێن كو ژ هێلا گه‌ریلایان ڤه هاتبوونه كوشتن و ووسا ژ وان ره گۆتبوو: “من دڤێت به‌رانبه‌ر خێزانێن به‌رێز یێن شه‌هیدان ببێژم: ئه‌ز وێ دلئێشییا گران و نه‌خوه‌شییا هه‌وه د دلێ خوه ده ژی پارڤه‌دكه، هه‌ڤپشكێ خه‌ما خێزانێن شه‌هیدانم، دلگرانم “.
ژ ده‌ستپێكا پێڤاژۆیا چاره‌سه‌ریێ ل 27 سباتا ئیسال و هه‌یا رۆژا مه یا ئیرۆ، ئۆجالان 5 بانگه‌وازی كرنه و د چ یێك ژ وان ده داخوازا لێبۆرینێ ژ دایكێن شه‌هیدێن گه‌ریلایان نه‌كر، لێ خه‌مگینییا خوه یا مه‌زن بۆ 4 عه‌سكه‌رێن ترك راگهاند كو د شكه‌فته‌كا باشوورێ كوردستانێ دا ب غازێ فه‌تسی بوون.
ئه‌ڤ ژی شه‌رمه‌زاریه‌ك دنه ل سه‌ر دیرۆكا پڕی روو ره‌شی كو عه‌بدوللا ئۆجالان بۆ خوه تۆمار دكه.
