تونجەر باکرھان: دڤێت کۆمسیۆنا ئاشتیێ سەردانا ئۆجالان بکە
ھەڤسەرۆکێ دەم پارتیێ ئاماژە دا کو، دڤێت دەمیرتاش و تەڤایا گرتیێن دۆزا کۆبانیێ بێن بەردان.
ھەڤسەرۆکێ پارتیا وەکھەڤی و دەمۆکراسیا گەلان (دەم پارتی) تونجەر باکرھان ئیرۆ رۆژا سێشەمب، 4ێ مژدارا 2025ێ، راگھاند: “ل سەر داخوازا باخچەلی ژ بۆ بەردانا دەمیرتاش، کو ئاماژە دابوو کو بەردانا وی دێ ژ بۆ ترکیەیێ باش بە، ئەم سپاسیا وی دکن و دڤێت ئێدی دەمیرتاش و تەڤایا گرتیێن دۆزا کۆبانیێ بێن بەردان.”
تونجەر باکرھان ئاماژە ژی دا: “شاندەیا ئیمرالیێ ب ئاوایەکێ فەرمی ژ ئەردۆگان خوەستیە کو کۆمسیۆنا ئاشتیێ سەردانا ئۆجالان بکە.”
تونجەر باکرهان هەر وەها تەکەز کر کو ئەو دخوازە د رۆژێن پێش دە لگەل دەولەت باهچەلی بجڤە.
سەرۆکێ پارتیا تەڤگەرا نەتەوەیی یا ترکیەیێ (مەھەپێ) دەولەت باخچەلی د جڤینا فراکسیۆنا پارتیا خوە دە ل پارلەمەنتۆیا ترکیەیێ داخوازا بەردانا دەمیرتاش کر و تەکەز کر کو، بەردانا وی دێ ژ بۆ ترکیەیێ باش بە.
