شاندا دەم پارتیێ سەردانا دەمیرتاش و یوکسەکداغ دکه
پارتیا وەکهەڤی و دەمۆکراسیێ یا گەلان (دەم پارتی) راگهاند، پشتی بریارا داوی یا دادگەها مافێن مرۆڤان یا ئەورۆپایێ (DMME) و پێشهاتێن سیاسی، ئیرۆ شاندەیێن وێ دێ سەردانا هەڤسەرۆکێن بەرێ یێن هه‌ده‌پێ سه‌لاحه‌ددین دەمیرتاش و فیگەن یوکسەکداغ بکن.
ل گۆر داخویانیا دەم پارتیێ، هەڤسەرۆکا گشتی تولای هاتیمۆگوڵار و پارلامەنتەر جەنگیز چیچەک دێ ئیرۆ 5ێ مژدارێ سەردانا سه‌لاحه‌ددین دەمیرتاش ل گرتیگەها ئەدیرنەیێ بکن.
هات راگهاندن کو پشتی هەڤدیتنێ، شاندە دێ ل بەر دەریێ گرتیگەهێ داخویانیەکێ بدە چاپەمەنیێ.
هەڤدەم، پارلامەنتەرا دەم پارتیێ مەرال دانیش بەشتاش ژی دێ سەردانا گرتیگەها کاندرایێ بکە و ب هەڤسەرۆکا بەرێ یا هه‌ده‌پێ فیگەن یوکسەکداغ رە بجڤە.
