په‌كه‌كێ ئه‌ڤ 10 گه‌ریلا به‌ری 15 ساله داینه كوشتن و مرنا وان ڤه‌شارتی یه
ناسنامه‌یا 10 جوانێن دن یێن كوردان ئاشكه‌ره بوو كو رێخستنا په‌كه‌كێ ئه‌و ل سالێن 2008 و 2010ێ ل هه‌رێمێن زاپ، مه‌تینا و خاكوركێ دا نه كوشتن و مرنا وان ڤه‌شارتبوو.
هه‌په‌گێ باسكێ له‌شكه‌ری یێ په‌كه‌كێ رۆژا 7 مژدارا 2025ێ، ناسنامه‌یێن 10 چه‌كدارێن خوه ئاشكه‌ره كرنه كو ل سالێن 2008 و 2010ێ ل هه‌رێمێن زاپێ، مه‌تینایێ، خاكوركێ، سه‌لماس و سه‌قزێ، هه‌روه‌ها ئامه‌دێ به‌رێ وان دایه مرنێ و هه‌یا رۆژا مه یا ئیرۆ مرنا وان ڤه‌شارتی هشتبوو.
ناڤێن وان:
حوسه‌ین عه‌بدوللا ژ مه‌هابادێ.
حوسه‌ین جومعا ژ رهایێ.
تورگوت سه‌لمان ژ مه‌ره‌شێ.
عه‌زیز جه‌نگیز ژ ئه‌لعه‌زیزێ.
سه‌ردار عه‌بدوللا ژ ئامه‌دێ.
عه‌بدولره‌حیم سالح ژ مێردینێ.
ئاده‌م مووسا ژ قه‌ر‌سێ.
یه‌عقووب فاییق ژ مووشێ.
ئه‌شره‌ف ئیسماعیل جۆله‌مێرگێ.
ئه‌حمه‌د محه‌مه‌د ژ سێرتێ.
په‌كه‌كێ د په‌سنێ ته‌ڤان ده گۆتیه ئه‌و ملیتانێن مه یێن ئاپۆیی بوون، خوه فه‌دایێ ئاپۆ كرن، وان وه‌زیفه‌یا خوه ب سه‌ركه‌فتی ب جیهـ ئانین!.
ژ ده‌ما ده‌ستپێكرنا پێڤاژۆیا ئاشتیێ و ب داوی بوونا چالاكیێن چه‌كداری، مالباتێن گه‌ریلایان ل به‌ندا ڤه‌گه‌را زارۆكێن خوه نه، لێ به‌لێ په‌كه‌كه هه‌ر رۆژ وێنه‌یێن كۆمێن وان پارڤه‌دكه و ژ مالباتێن وان ره دبێژه: زارۆكێن وه ب سالانه د ژیانێ ده نه‌مانه.
ل گۆری ئاگاهیێن ده‌ستێ مه، هێژان ب هه‌زاران جوان ما نه كو ناسنامه‌یا وان ڤه‌شارتی مایه و په‌كه‌كێ مرنا وان ئیفشا نه‌كری یه.
