ژ مرنێن ڤه‌شارتی یێن ل چیایێ مه‌تینایێ
په‌كه‌كێ ئه‌ڤ 5 گه‌ریلا به‌ری ساله‌كێ ل مه‌تینایێ داینه كوشتن و هه‌یا رۆژا مه یا ئیرۆ مرنا وان ڤه‌شارتی هشتبوو و ژ نوو ڤه مالباتێن وان ب مرنا وان هایدار بوونه.
رێخستنا په‌كه‌كێ دوهـ رۆژا دوشه‌می 10 مژدارا 2025ێ ناسنامه‌یا 5 چه‌كدارێن خوه سێ ژێ كه‌چ ئاشكه‌ره كر كو ل 30 ئیلۆنا سالا رابووری ل چیایێ مه‌تینایێ كه‌تنه به‌ر ئێریشێن ده‌وله‌تا ترك و ژیانا خوه ژ ده‌ست دا نه.
په‌كه‌كێ وه‌كه ته‌ڤ رێهه‌ڤالێن وان، مرنا ڤان 5 گه‌ریلایان ژی پێتری ساله‌كێ یه ل مالباتێن وان ڤه‌شارتی یه.
ناڤێن وان:
ئه‌میرجان حه‌جی ژ جۆله‌مێرگێ.
زیلان ئه‌سفه‌ت ژ قه‌یسه‌ریێ.
حه‌سیبا فاتح ژ مووشێ.
زیندان نه‌سروللا ژ ئامه‌دێ.
لوقمان مه‌تین ژ شرنه‌خێ.
په‌كه‌كێ د په‌سنێ ته‌ڤان ده گۆتیه ئه‌و ملیتانێن مه یێن ئاپۆیی بوون، خوه فه‌دایێ ئاپۆ كرن، وان وه‌زیفه‌یا خوه ب سه‌ركه‌فتی ب جیهـ ئانین!.
ژ ده‌ما ده‌ستپێكرنا پێڤاژۆیا ئاشتیێ و ب داوی بوونا چالاكیێن چه‌كداری، مالباتێن گه‌ریلایان ل به‌ندا ڤه‌گه‌را زارۆكێن خوه نه، لێ به‌لێ په‌كه‌كه هه‌ر رۆژ وێنه‌یێن كۆمێن وان پارڤه‌دكه و ژ مالباتێن وان ره دبێژه: زارۆكێن وه ب سالانه د ژیانێ ده نه‌مانه.
ل گۆری ئاگاهیێن ده‌ستێ مه، هێژان ب هه‌زاران جوان ما نه كو ناسنامه‌یا وان ڤه‌شارتی مایه و په‌كه‌كێ مرنا وان ئیفشا نه‌كری یه.
