پەروین بولدان: ئەم دەرباسی پێڤاژۆیەکە ئەرێنی یا ئاشتیێ بوون

ئەنداما هەیئەتا ئیمرالیێ یا دەم پارتیێ پەروین بولدانێ راگهاند کو د پێوەندیێن دەربارێ پێڤاژۆیێ هەموو ئالی، دەولەت و حکوومەت ژی د ناڤ دە خوەدی “ئیرادەیا چارەسەریێ”نە و گۆت، «ئەم کەتنە پێڤاژۆیەکە ئەرێنی یا ئاشتیێ».

ئەنداما هەیئەتا ئیمرالیێ و پارلامەنتەرا وانێ پەروین بولدانێ ژ ئاژانسا مەزۆپۆتامیایێ رە بەحسا پێڤاژۆیا هەیی و هەڤدیتنا وان یا داوی یا ب ئابدوڵاهـ ئۆجالان رە کر.

وێ هەر وها بەحسا هەڤدیتنا خوە و میتهات سانجار یا وەکی هەیئەتا ئیمرالیێ یا ب سەرۆککۆمارێ ترکیەیێ رەجەپ تایییپ ئەردۆگان رە ژی کر.

پەروین بولدانێ گۆت، “ئیرادەیەک هەیە. ئیرادەیەکە کو دخوازە ڤی کاری چارەسەر بکە هەیە. ئەز ڤێ یەکێ ب هەموو سامیمیەتا خوە دبێژم.”

ب گۆتنا پەروین بولدانێ، ئۆجالان، ئەردۆگان و سەرۆکێ گشتییێ مه‌هه‌پێ دەولەت باخچەلی ژ بۆ کو پێڤاژۆیا چارەسەریێ بدۆمە رژدن.