قوربانیێن شه‌رێ ساخته یێ په‌كه‌كێ تركیه‌یێ هه‌ر رۆژ ئاشكه‌ره دبن
ناسنامه‌یا 5 جوانێن دن یێن كوردان ئاشكه‌ره بوو كو رێخستنا په‌كه‌كێ ئه‌و ل سالا 2017ێ ل هه‌رێمێن ئاڤاشین، مه‌تینا و زاپێ دا نه كوشتن و مرنا وان ڤه‌شارتبوو.
هه‌په‌گێ باسكێ له‌شكه‌ری یێ په‌كه‌كێ رۆژا 12 مژدارا 2025ێ، ناسنامه‌یێن 5 چه‌كدارێن خوه یه‌ك ژێ كه‌چ ئاشكه‌ره كرنه كو ل سالا 2017ێ ل هه‌رێمێن ئاڤاشین، مه‌تینا و زاپێ به‌رێ وان دایه مرنێ و هه‌یا رۆژا مه یا ئیرۆ مرنا وان ڤه‌شارتی هشتبوو.
ناڤێن وان:
هاتیجه یووسف ژ مه‌له‌تیێ.
حوسه‌ین یووسف زیا ژ ئاگریێ.
یه‌عقووب مه‌همه‌ت ژ مێردینێ.
عومه‌ر مسته‌فا ژ ئاگریێ.
ئازاد فه‌هیم ژ مووشێ.
په‌كه‌كێ د په‌سنێ ته‌ڤان ده گۆتیه ئه‌و ملیتانێن مه یێن ئاپۆیی بوون، خوه فه‌دایێ ئاپۆ كرن، وان وه‌زیفه‌یا خوه ب سه‌ركه‌فتی ب جیهـ ئانین!.
ژ ده‌ما ده‌ستپێكرنا پێڤاژۆیا ئاشتیێ و ب داوی بوونا چالاكیێن چه‌كداری، مالباتێن گه‌ریلایان ل به‌ندا ڤه‌گه‌را زارۆكێن خوه نه، لێ به‌لێ په‌كه‌كه هه‌ر رۆژ وێنه‌یێن كۆمێن وان پارڤه‌دكه و ژ مالباتێن وان ره دبێژه: زارۆكێن وه ب سالانه د ژیانێ ده نه‌مانه.
ل گۆری ئاگاهیێن ده‌ستێ مه، هێژان ب هه‌زاران جوان ما نه كو ناسنامه‌یا وان ڤه‌شارتی مایه و په‌كه‌كێ مرنا وان ئیفشا نه‌كری یه.
