ل رەقایێ د ناڤبەرا هه‌سه‌دێ و ئارتێشا سووریەیێ په‌ڤچوونێن دژوار ده‌ركه‌تن
مەدیایا فەرمی یا سووریەیێ ئیرۆ راگهاند کو ل رۆژهلاتێ رەقایێ د ناڤبەرا هه‌سه‌دێ و هێزێن شامێ دە پەڤچوونێن دژوار دەرکەتنە.
مەدیایا سووریەیێ ئیدیعا کر کو هێزێن سووریەیا دەمۆکراتیک (هه‌سه‌دێ) ئێرشی بارەگەهێن ئارتێشا سووریەیێ یێن ل چۆلا مەدانێ کریە.
هات گۆتن پشتی کو هه‌سه‌دێ هنەک بارەگەهێن ئارتێشا سووریەیێ کرنە ئارمانج، تۆپهاڤێژێن ئارتێشا سووریەیێ ژی بەرسڤ دایە.
ل گۆری حکوومەتا دەمکی یا سووریەیێ، هه‌سه‌دێ ل 29ێ چریا پێشین ژی ب مووشەکەکێ ئێرشی بارەگەهەکە ئارتێشا سووریەیێ یا ل دەردۆرا بەنداڤا تشرینێ یا ل رۆژهلاتێ حەلەبێ کربوو.
د وێ ئێرشێ دە دو لەشکەر مربوون و یەک ژی ب گرانی بریندار ببوو.
وەزیرێ پاراستنێ یێ سووریەیێ مورهەف ئەبوو قەسرە ل 7ێ چریا پێشین راگهاندبوو کو وان د هەڤدیتنەکە ل گەل فەرماندارێ گشتییێ هه‌سه‌دێ گەنەرال مەزلووم عه‌بدی یا ل شامێ دە، ل سەر پەیمانەکە ژ بۆ ئاگربەستەکە گشتی یا ل هەرێمێن باکوڕ رۆژهلاتێ سووریەیێ ل هەڤ کریە.
دڤێ وەرە گۆتن کو هێزێن سووریەیا دەمۆکراتیک (هه‌سه‌ده) هێژا بەرسڤ نەدایە ڤان ئیدیعایێن مەدیایا سووریەیێ.
