ناسنامه‌یا 6 گه‌ریلایێن دی ئاشكه‌ره بوو
ناسنامه‌یا 6 جوانێن دن یێن كوردان ئاشكه‌ره بوو كو رێخستنا په‌كه‌كێ ئه‌و ژ سالا 2015ێ ل هه‌رێمێن باكورێ كوردستانێ كرنه قوربانی و مرنا وان ڤه‌شارتبوو.
هه‌په‌گێ باسكێ له‌شكه‌ری یێ په‌كه‌كێ رۆژا 19 مژدارا 2025ێ، ناسنامه‌یێن 6 گه‌ریلایان دو ژێ كه‌چ ئاشكه‌ره كرنه كو ل سالێن 2015، 2016، 2019 و 2020ێ ل هه‌رێمێن دێرسم، ئامه‌د و به‌ستایێ به‌رێ وان دایه مرنێ و هه‌یا رۆژا مه یا ئیرۆ مرنا وان ڤه‌شارتی هشتبوو.
ناڤێن وان:
غه‌مزه حه‌سه‌ن ژ سێرتێ.
ئه‌رهان عه‌بدولعه‌زیز ژ ئامه‌دێ.
محه‌مه‌د یووسف ژ وانێ.
ردوان محیه‌ددین ژ ئه‌رزه‌روومێ.
ئووگوور ره‌جه‌ب ژ ئامه‌دێ.
محه‌مه‌د خه‌لیل ژ رهایێ.
په‌كه‌كێ د په‌سنێ ته‌ڤان ده گۆتیه ئه‌و ملیتانێن مه یێن ئاپۆیی بوون، خوه فه‌دایێ رێبه‌رتیێ كرن و جهێ خوه د دیرۆكێ ده گرتن!.
ژ ده‌ما ده‌ستپێكرنا پێڤاژۆیا ئاشتیێ و ب داوی بوونا چالاكیێن چه‌كداری، مالباتێن گه‌ریلایان ل به‌ندا ڤه‌گه‌را زارۆكێن خوه نه، لێ به‌لێ په‌كه‌كه هه‌ر رۆژ وێنه‌یێن كۆمێن وان پارڤه‌دكه و ژ مالباتێن وان ره دبێژه: زارۆكێن وه ب سالانه د ژیانێ ده نه‌مانه.
