ل گۆر ئاگاهیان، نووری مالکی ئیرۆ 22ێ مژدارێ گھشت ھەولێرێ. تێ پایین کو د چارچۆڤەیا ڤێ سەردانێ دە، مالکی لگەل سەرۆک مەسعوود بارزانی و رایەدارێن بلندێن ھەرێما کوردستانێ بجڤە.
ل گۆری زانیاریان، ئارمانجا سەرەکی یا سەردانا مالکی، دانوستاندنا لگەل ئالیێن کورد ل سەر شێوازێ پێکانینا کابینەیا نوو یا حکوومەتا ئیراقێ و دابەشکرنا پۆستێن سەروەرییە.
ئەڤ سەردان پشتی وێ یەکێ تێ کو چەند رۆژ بەرێ چاڤکانیێن ژ چارچۆڤەیا ھەماھەنگیێ (شیعە) و دەولەتا یاسا راگھاندبوون کو دێ شاندەک بلند سەردانا ھەولێرێ بکە.
چارچۆڤەیا ھەماھەنگیێ رۆژا 17ێ مژدارێ جڤیابوو و راگھاندبوو، وان “مەزنترین فراکسیۆنا پارلامەنتۆیێ” پێک ئانیە. د وێ جڤینێ دە، ژ بۆ لەزکرنا پرۆسەیا ئاڤاکرنا حکوومەتێ و دانووستاندنا لگەل ئالیێن سیاسی، کۆمیتەیەک ب ئەندامەتیا نووری مالکی، ھادی عامری و فالح فەیاز ھاتبوو ئاڤاکرن.
