گۆتنێن توند ژ مه‌دیایا یه‌نه‌كێ بۆ مه‌زلووم عه‌بدی: شۆرەشگەرێ کەڤن، بازرگانێ نوو
مەدیایا یه‌نه‌كێ فەرماندارێ گشتییێ هه‌سه‌دێ مه‌زلووم عه‌بدی، کو ژ بۆ كۆربه‌ندا مێپسێ هاتبوو دهۆکێ، هەدەف گرت. وان د وێنەیێن خوە یێن وەشاندی دە هەڤۆکا «شۆرەشگەرێ کەڤن، بازرگانێ نوو» ب کار ئانین.
مێپس 2025، کو د 18ێ مژدارێ دا ل دهۆکێ هاتە ل دارخستن، كه‌سایه‌تیێن ناڤنەتەوەیی یێن ناڤدار مێهڤان كربوون. لێبەلێ، ئالیێ هەره گرنگ یێ کۆنفەرانسێ پەیاما «ئێكه‌تییا کوردان» بوو. کوردێن ل چار پارچەیێن کوردستانێ و جیهانێ ب جۆش پەیاما ئێكه‌تییا «مەسروور بارزانی و مه‌زلووم عه‌بدی» پێشوازی کرن.
هن کۆم هەبوون کو ل دژی ڤێ ئێكه‌تی و ئێكگرتنێ نه‌رازیبوون نیشانی کورد دان دا. ژ بلی نه‌رازیبوونا سیاسەتمەدارێن ترک، د ناڤ کوردان دا ژی هن كه‌س و ئالی هەبوون کو عاجز ببوون. یەک ژ وان مەدیایا یه‌نه‌كێ بوو.
ده‌مه‌كێ درێژه یه‌نه‌كه ڤێ یه‌كه‌كێ وه‌ك ئامووره‌كێ گرنگ یێ بانگه‌شێ ب كار دئینیت، تایبه‌ت ل کەرکوکێ، دا کو هەول بدەت كارتێكرنا نه‌رێنی یا پەیمانێن خوە یێن ل گه‌ل حه‌شدا شه‌عبی ل سەر رایا گشتی کێم بکەت. ل وی ئاستی کو د هلبژارتنێن ڤێ داویێ یێن ئیراقێ دا، وان وێنەیێن مه‌زلووم عه‌بدی و بافل تالابانی ل گەلەک دەڤەران هه‌لاویستن. په‌كه‌كێ ژی سیاسەتەکا پارالێل ل گه‌ل یا یه‌نه‌كێ د مەشاند، وان ب هه‌ڤرا هه‌ول د دا كو په‌ده‌كێ وه‌ك “دژمنێ رۆژئاڤا” نیشان بدەن.
د كۆربه‌ندا مێپسێ دا، بەحسکرنا مه‌زلوون عه‌بدی بۆ وێ هاریكارییا کو ژ باشوور وەرگرتبوو و ب تایبەتی سپاسییا وی یا بۆ سەرۆک بارزانی، ئەڤ هه‌ولێن یه‌نه‌كێ و په‌كه‌كێ تێک برن. دەما کو مەدیایا فەرمی یا یه‌نه‌كێ سەردانا مه‌زلووم عه‌بدی یا دهۆکێ وەکی بوویەرەکا ئاسایی نیشان دایی، مەدیایا نەفەرمی یا یه‌نه‌كێ راستەراست مه‌زلووم عه‌بدی هەدەف گرت. مللەت میدیا پێشەنگیا ڤێ كه‌مپینێ کر. ملله‌ت میدیا وێنەیێن مه‌زلووم عه‌بدی یێن ب جلێن لەشکەری ل سەر پلاتفۆرما خوە یا مەدیایا جڤاکی پارڤە کر، ل سەر وان «شۆرەشگەر» و ل سەر وێنەیێ وی یێ ب جلكێن کو ل مێپسێ ل خوە کربوون «بازرگان» نڤیساند. حەسابێن دن یێن مەدیایا جڤاکی یێن ب یه‌نه‌كێ ڤە گرێدایی ژی نووچەیێن ب ڤی رەنگی راگهاندن. پشتی نه‌رازیبوونان پاشێ، هن حەسابان وێنە ژێبرن.
ب هەمان ئاوایی، بێستون فاییق، شێورمەندێ بافل تالابانی، داخویانیەک دا و گۆت، «ئەڤ جڤین بێواتە بوو و ژ بۆ کوردان چ سوودەک نه‌بوو،» و کو ئەو سەردانا مه‌زلووم عه‌بدی یا دهۆکێ بێواتە دبینیت.
هەروها، د رۆژا کو مه‌زلووم عه‌بدی ل دهۆکێ بوو، مەدیایا یه‌نه‌كێ ب وەشاندنا شرۆڤەیێن وەکی «نێزیکاتیا په‌ده‌كێ یا ل هەمبەر رۆژئاڤا خەلەتە؛ وان سنۆر گرتن؛ ئەم بوون یێن کو ب راستی هاریكارییا رۆژئاڤا کرین» رەخنە ل مه‌زلووم عه‌بدی کرن.
چما یه‌نه‌كه بەشداری مێپس 2025 نەبوو؟
یەک ژ مژارێن کو د مەدیایێ دە هاتن نیقاشکرن ئەڤ بوو کو چما یه‌نه‌كە بەشداری مێپسێ نەبوو. گەلەک کۆمان دیار کرن کو یه‌نه‌كە نەهاتیە داخواز كرن. لێبەلێ، کۆمیتەیا ئامادەکار یا مێپسێ، ئاڤا، داخویانیەک فەرمی دا مەدیایێ رە و راڤە کر کو قوباد تالابانی ب فەرمی ژ بۆ مێپسێ هاتیە داخواز كرن لێ ئەو “ژ بەر پابەندبوونێن کاری نه‌گه‌هشتییه بەشدار ببیت.”
چاڤکانیێن هەرێمی راگهاندن کو بافل تالابانی د دەما كۆربه‌ندا مێپسێ دا ل گه‌ل هن دەردۆرێن شیعەیێن ل ئیراقێ جڤیا دا کو ژ بۆ سەرۆکاتیا خوە پشتگرییێ بخوازیت.
وێنەیا ئۆریژینال كو د مللەت میدیا دا هاتییه وەشاندن.
