ناسنامەیێن 2 ئه‌ندامێن كۆنسه‌یا په‌كه‌كێ هاتن ئەشکەرە کرن

رێخستنا په‌كه‌كێ ناسنامەیێن 2 به‌رپرسێن خوه‌ یێن پایه‌بلند ئەشکەرە کرن كو 9 سالان به‌رێ ل باشوورێ كوردستانێ ژیانا خوه‌ ژ ده‌ست دا نه‌ و ژ نوو ڤه‌ مرنا وان راگهاند.

هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا دوشه‌می 24 مژدارا 2025ێ، راگهاند کو 2 فەرماندارێن وان یێن پایەبلند ب ناڤێن سابری تەندوورەک و ماسیرۆ خابوور د دەمێن جودا دە جانێ خوە ژ دەست دایە.

ل گۆری داخویانیێ هەر دو فەرماندار ئەندامێ کۆمیتەیا ناڤەندی یا پارتیا کارکەرێن کوردستانێ (په‌كه‌كێ) و ئەندامێن کۆنسەیا فەرمانداریێ یا هه‌په‌گێ بوونە.

ل گۆری داخویانیێ، سابری تەندوورەک 18ێ گولانا 2016ان و ماسیرۆ خابوور ژی 27ێ گولانا 2020ێ ل باشوورێ كوردستانێ د ئێرشێن ئارتێشا ترکیەیێ دە جانێ خوە ژ دەست دایە.

ل گۆری داخویانیێ ئاگاهیێن ل سەر ناسنامەیێن گەریلایان وسانە:

ماسیرۆ خابوور: ناڤێ وی یێ فەرمی بەدرخان ئابۆیە، ل جۆلەمێرگا باکورێ کوردستانێ ژ داییک بوویە.

ناڤێ داییکا وی نەریمان ناڤێ باڤێ وی خالده‌.

سابری تەندوورەک: ناڤێ وی یێ فەرمی فەتیح شارلاتانە، ل وانێ یا باکورێ کوردستانێ ژ داییک بوویە.

ناڤێ دایکا وی جەمشیدەیە و ناڤێ باڤێ وی ژی عادلە.