پارلامەنتۆیا ترکیەیێ: هەڤدیتنا ب ئۆجالان رە “ئەرێنی” دەرباس بوو
سەرۆکاتیا پارلامەنتۆیا ترکیەیێ راگهاند، هەڤدیتنا “کۆمیسیۆنا لهەڤکرنا نشتیمانی، براتی و دەمۆکراسیێ” یا ب رێبەرێ په‌كه‌كێ عه‌بدوللا ئۆجالان رە ل گراڤا ئیمرالیێ، ب ئاوایەکی ئەرێنی ب داوی بوویە.
شاندەیا کۆمیسیۆنێ دوهـ 24ێ مژدارا 2025ان، ژ بۆ هەڤدیتنا ب ئۆجالان رە، ب هەلیکۆپتەرێ ژ ستەنبۆلێ چوو گراڤا ئیمرالیێ. پشتی هەڤدیتنێ، سەرۆکاتیا پارلامەنتۆیێ داخویانیەک بەلاڤ کر.
مژارێن سەرەکە: چەکدانین و رێکەفتنا 10ێ ئادارێ
د داخویانیێ دە هات پشتراستکرن کو هەڤدیتن پێک هاتیە. ل گۆری زانیاریان، د جڤینێ دە مژارێن “چەکدانینا په‌كه‌كێ و ڤەکشینا ژ ئاخا ترکیەیێ” و “رێکەفتنا 10ێ ئادارێ” لگەل عه‌بدوللا ئۆجالان هاتنە گۆتووبێژکرن.
پارلامەنتۆیێ دیار کر، ئەنجامێن هەڤدیتنێ ژ بۆ یەکیتیا جڤاکی، بهێزکرنا براتیێ و پێشڤەچوونا پرۆسەیێ یا ل سەر ئاستا هەرێمی “ئەرێنی و باش” بوونە. هەر وها هات تەکەزکرن کو کۆمیسیۆن دێ د قۆناغێن بێ دە ژی ل سەر هەلوەستا خوە یا ب بریار بەردەوام بە.
ئەندامێن شاندەیێ کی بوون؟
شاندەیا کو سەردانا ئیمرالیێ کر، ژ نوونەرێن سێ پارتیێن سەرەکە پێک دهات:
– گولستان کلچ کۆچییگیت: وەکیلا سەرۆکێ کۆما دەم پارتیێ.
– فەتی یلدز: ئالیکارێ سەرۆکێ گشتییێ مه‌هه‌پێ.
– حوسەیین یایمان: پارلامەنتەرێ ئاک پارتیێ.
بریارا ڤێ سەردانێ رۆژا ئینێ، 21ێ مژدارا 2025ان هاتبوو دایین. پارلامەنتۆیا ترکیەیێ ب دەنگێ سێ ل سەر پێنج (3/5)ێ ئەندامێن کۆمیسیۆنێ پەسەند کربوو کو شاندە سەردانا ئابدوڵاهـ ئۆجالان بکە.
