نێچیرڤان بارزانی ل سەر ئێرشا ل قادا گازێ یا کۆرمۆرێ داخویانی دا

نێچیرڤان بارزانی ئێرشا ل قادا گازێ یا کۆرمۆرێ شەرمەزار کر و راگهاند کو ئەو ئێرش گەفەکە راستەراست یا ل سەر ئاساییش و ئارامیا وه‌لاتی یه‌.

وەزارەتا کارەبایێ راگهاندبوو کو ژ سەدی 80یێ کارەبایا هەرێما کوردستانێ قوت بوویە.

دۆهـ ب شەڤ نێزیکی دەمژمێر 11:30ی ئێرشی قادا گازێ یا کۆرمۆرێ یا ل ناڤچەیا چەمچەمالێ یا سلێمانیێ هات کرن.

سەرۆکێ هەرێما کوردستانێ نێچیرڤان بارزانی ل سەر حەسابێ خوەیێ Xێ دەربارێ ئێرشێ داخویانیەک بەلاڤ کر و گۆت:

“ئەز وێ ئێرشا تەرۆریستی یا کو شەڤا بۆری ل سەر قادا کۆرمۆرێ هات کرن ب توندی شەرمەزار دکم.

ئەڤ ئێرش ل دژی بنەسازیا ئابۆری و خزمەتگوزاریێن گشتی یێن ئیراق و هەرێما کوردستانێ یە و گەفەکە راستەراستە ل سەر ئاساییش و ئارامیا وه‌لاتی.”

بارزانی بانگی حکوومەتا ئیراقێ کر و وها پێ دە چوو:

“ئەرک و بەرپرسیاریا حکوومەتا فەدەرالا ئیراقێ و سازیێن ئەولەهیێ یێن پێیوەندیدارە و پێویستە د دەمەکە هەری نێزیک دە هەولەکە جدی بدن و رێکارێن پێویست و بباندۆر بگرن بەر ژ بۆ لێپرسین و جەزادانا ئەنجامدەرێن ڤێ تاوانێ و رێلبەرگرتنا دوبارەبوونا وێ.”