په‌كه‌كێ ده‌ست ب پارڤه‌كرنا مرنێن ڤه‌شارتی یێن 2020ێ كر
ناسنامه‌یا 5 گه‌ریلایێن دن یێن په‌كه‌كێ ئاشكه‌ره بوو كو رێخستنێ ئه‌و ل سالێن 2020ێ ل هه‌رێمێن ئاڤاشین و خاكوركێ یێن ل باشوورێ كوردستانێ دانه كوشتن و مرن وان ڤه‌شارتبوو.
هه‌په‌گێ باسكێ له‌شكه‌ری یێ په‌كه‌كێ رۆژا 29 مژدارا 2025ێ، ناسنامه‌یێن 5 گه‌ریلایێن خوه ئاشكه‌ره كرنه كو ل مه‌ها گولانا 2020ێ ل هه‌رێمێن ئاڤاشین و خاكوركێ یێن ل باشوورێ كوردستانێ، به‌رێ وان دایه مرنێ و هه‌یا رۆژا مه یا ئیرۆ مرنا وان ڤه‌شارتی هشتبوو.
ناڤێن وان:
جه‌لال عه‌لی ژ ئاگریێ.
زه‌ینه‌ب قوتبه‌دیین ژ مووشێ.
سوهه‌یلا جانگیر ژ سێرتێ.
ئێحسان فه‌تاح ژ جۆله‌مێرگێ.
جه‌لیل عبدولموحه‌مه‌د ژ سنه‌یێ.
په‌كه‌كێ د په‌سنێ ته‌ڤان ده گۆتیه ئه‌و ملیتانێن مه یێن ئاپۆیی بوون، خوه فه‌دایێ ئاپۆ كرن ئه‌م وان ب رێزداری ببیر تینن.
ژ ده‌ما ده‌ستپێكرنا پێڤاژۆیا ئاشتیێ و ب داوی بوونا چالاكیێن چه‌كداری، مالباتێن گه‌ریلایان ل به‌ندا ڤه‌گه‌را زارۆكێن خوه نه، لێ به‌لێ په‌كه‌كه هه‌ر رۆژ وێنه‌یێن كۆمێن وان پارڤه‌دكه و ژ مالباتێن وان ره دبێژه: زارۆكێن وه ب سالانه د ژیانێ ده نه‌مانه.
ل گۆری ئاگاهیێن ده‌ستێ مه، هێژان ب هه‌زاران جوان ما نه كو ناسنامه‌یا وان ڤه‌شارتی مایه و په‌كه‌كێ مرنا وان ئیفشا نه‌كری یه.
