دهم پارتی: هاتنا سەرۆک بارزانی یا جزیرێ دیرۆکی بوو
بەردەڤکا دەم پارتیێ ئایشەگول دۆگانێ د نیقاشێن بودجەیێ یێن ل پارلامەنتۆیێ دە بەحسا سەردانا سەرۆک مەسعوود بارزانی یا جزیرێ کر و گۆت كو هاتنا سهرۆك بارزانی یا ژ بۆی جزیرێ دیرۆكی بوو.
بەردەڤکا دهم پارتیێ و پارلامەنتەرا شرنەخێ ئایشەگول دۆگان، د کۆمیسیۆنا پلان و بودجەیێ یا پارلامەنتۆیێ دە د دەما نیقاشێن بودجەیا سەرۆکۆماریێ یا 2026ان دە ئاخڤی.
ل گۆری نووچەیا ئانکایێ، دۆگانێ هەم نیقاشێن “پێڤاژۆیا نوو” یا د رۆژەڤێ دە و هەم ژی سەردانا سەرۆک مەسعوود بارزانی یا ناڤچەیا جزیرێ یا شرنەخێ نرخاندن.
ئایشەگول دۆگانێ ب بیر ئانی کو سەردانا سەرۆک مەسعوود بارزانی ل سەر ڤەخوەندنا پارێزگارییا شرنەخێ، قەیمەقامتی و زانینگەها شرنەخێ پێک هاتیە و گۆت: “ئەڤ ئۆرگانیزاسیۆن ب ناڤێ سەمپۆزیووما 4 مین یا مەلایێ جزیری یا ناڤنەتەوەیی هاتبوو کرن.
ههروهها دیار كر، یەک ژ شێورمەندێن سەرۆکۆمار گولشەن ئۆرهان و ئالیکارێ وەزیرێ کارێن ناڤخوە مونیر کارالۆگلو ژی ل وێ دەرێ بوون. لێ بەلێ وان هەول دا کو د ڤێ ئۆرگانیزاسیۆنێ دە مە تونە بحەسبینن.
ئایشەگول دۆگانێ گۆت: “سەردانا سەرۆک بارزانی ژ بۆ گەلێ هەرێمێ و سیاسەتێ ب قیمەتە. هاتنا سهرۆك بارزانی یا جزیرێ هەم ژ ئالیێ دیرۆکی ڤە و هەم ژی ژ ئالیێ پێڤاژۆیێ ڤە خوەدی گرینگیەکە گەلەکی مەزنە.”
ژ سالا 2015ێ تا 2025ێ ئانكو د 10 سالان دا، دهم پارتیێ ل گۆری ئهجێندایێن پهكهكێ ئێریشی حهرهكهتا بارزانی و پهدهكێ دكرن، پارلهمهنتهرێن وان ل باژارێن تركیێ ل دژی پهدهكێ سلۆگان د ئاڤێتن، كۆمێن خهلكێ خوه د ئانین بهر دهریێن سینۆر یێ سلۆپی و ئیبراهیم خهلیل و چالاكی ل دژی حكوومهتا ههرێما كوردستانێ دكرن، لێ نها ئهو ب خوه مهجبوور مان كو ئهڤێ سیاسهتا خوه یا نهراست یا 10 سالان ب گوههرینن و ل داویێ دانپێدان كرن كو سهرۆك بارزانی رۆلا ههری گرینگ و ب باندۆر ل ههر چار پهرچهیێن كوردستانێ ههیه.
