کۆمیتەیا ئەولەهیێ یا هەولێرێ: سەرکێشێ بوویەرێن خەباتێ هاتە گرتن

کۆمیتەیا ئەولەهیێ یا پارێزگەها هەولێرێ راگهاند، کەسێ سەرکێش و هاندەرێ بوویەرێن تەڤلهەڤیێ یێن ل ناڤچەیا خەباتێ، د دەما هەولدانا رەڤینێ دە هاتە گرتن.

کۆمیتەیێ د داخویانیەکێ دە ئەشکەرە کر، ئێڤارا دوشەمێ 1ێ بەرچلە، ل ناڤچەیا خەباتێ کۆمەکە “ئاراستەکری” هەول دایە ب رێیا تەقە و ئێریشکرنا سەر جهێن گشتی و فەرمی، تەڤلهەڤیێ دەرخن. هێزێن ئەولەهیێ تاڤلێ موداخالە کرنە و ب شێوازەکە پیشەیی و ئارام رەوش کۆنترۆل کرنە.

د داخویانیێ دە هات دیارکرن، سەرکێش و مۆتۆرێ ڤێ تەڤلهەڤیێ یێ ب ناڤێ “نێچیروان عیسا میرمسوو” هاتیە گرتن. ل گۆری لیژنەیێ، وی کەسی خەلک هان دایە کو چەک هلگرن و سازیێن ئابۆری و نشتمانی بکن ئارمانج.

هات راگهاندن ژی، نێچیرڤان عیسا دەما کو هەول ددا ل سەر رێیا کەرکووکێ برەڤە، ژ ئالیێ هێزێن ئەولەهیێ ڤە هاتە دەستەسەرکرن و رادەستی دادگەهێ هاتە کرن.

کۆمیتەیا ئەولەهیێ یا هەولێرێ هشیاری دا و گۆت: “ئەم رادگهینن کو هەموو کەسێن بوونە سەدەما تێکچوونا ئارامیێ و دەرخستنا تەڤلهەڤیێ، دێ رووبروویێ یاسایێ ببن.”

هەروها هات دەستنیشانکرن، هوورگلیێن پلانێن وێ کۆمێ و کەسێن ل پشت هاندانا وان، ژ بۆ لێکۆلینێن سازیێن پەیوەندیدار هاتنە هشتن.