باخچهلی بهرسڤا بهسێ هۆزاتێ دا: حهد و سینۆرێ خوه بزانه و دهڤێ مه ڤهنهكهن
سەرۆکێ مهههپێ دهولهت باخچهلی بەرسڤا گۆتنێن هەڤسەرۆکا كهجهكێ بەسێ هۆزاتێ دان و راگهاند كو پێویسته دلسۆزییا ب ئیمرالیێ رە ئەساس بە، ههروهها ژێ ره گۆت: بلا ههر كهس حهد و سینۆرێ خوه بزانه و بلا هوون دهڤێ مه ڤهنهكن!.
دهولهت باخچهلی بۆ رۆژنامەیا تورکگونێ ل سەر رۆژەڤا سیاسەتا ترکیەیێ داخویانیێن بالکێش دان و گۆتییه: پێڤاژۆیا نوو پێنگاڤا هەری گرینگا کۆمارا ترکیەیێ یە و بەرسڤ دا داخویانیێن هەڤسەرۆکا كهجهكێ بەسێ هۆزاتێ.
باخچهلی دەستنیشان کر کو ڤەگەرا ژ پێڤاژۆیێ نە پێکانە و گۆت: تیر ژ کەڤانێ دەرکەتیە. کەشتی هاتنە شەوتاندن. بریاردارییا مە د ئاستا کو نایێ نیقاشکرن دە یە.
بەسێ هۆزاتێ ل 29ێ چریا پاشین د داخویانیەکێ دە گۆتبوو، «ئەم عەفوویێ ناخوازن، ئەم سیاسەتا دەمۆکراتیک و یاسایێن ئازادیێ دخوازن.
هۆزاتێ هەر وها گۆتبوو، «مەترسیەکە گەلەکی جدی ل سەر ترکیەیێ هەیە. ئەگەر دەولەتا ترک گاڤ نەئاڤێژە، پرسگرێکا کوردان ل سەر بنگەها دەمۆکراتیک چارەسەر نەکە، هەبوون و ناسنامەیا کوردان ناس نەکە پاشەرۆژا ترکیەیێ گەلەکی تارییە.
باخچهلی بەرسڤ دا ڤان داخویانیێن بەسێ هۆزاتێ و گۆتنێن وێ وەکی ئوسلووبەکە وێرانکەر و ل پێلی دەماران دکە» نرخاند.
باخچهلی ل هەمبەری گۆتنێن بەسێ هۆزاتێ یێن كو کادرۆیێن پهكهكێ عەفوویێ ناخوازن گۆت: ژ خوه مە سووج نەکریە، ل پێشیا دیرۆک و وژدانێ جڤاکێ دیارە، زەلالە و ب بەلگەیە كانێ کیژان سووج هاتنە کرن. بلا دەڤێ مە ڤەنەکن و بلا هەر کەس حهد و سینۆرێ خوە زانبە.
باخچهلی د بهشهكا گۆتنێن خوه ده دبێژه: ئاخافتنێن بهسێ هۆزاتێ ل دژی بانگا 27ی سباتێ یا ئیمرالیێ نه و دیار كر دڤێ دلسۆزیا ب ئیمرالیێ رە ئەساس بە.
