ل گۆری گۆتنێن کورتولموش، ئۆجالان داخوازا بداویئانینا پرسگرێکێ و پێکانینا ئاشتیێ کریە و گۆتیە: “بلا پیڤانێن دەمۆکراسیا ترکیەیێ بپێش بکەڤن و د ڤێ چارچۆڤەیێ دە داخوازێن کوردان ژی وەرن بجیهئانین.”
دەربارێ خەباتێن کۆمیسیۆنا پێڤاژۆیا ئاشتیێ دە، سەرۆکێ پارلامەنتۆیێ دیار کر کو پرۆسە و کارێن کۆمیسیۆنێ هەتا نها باش برێڤە چوونە، لێ هشیاری دا کو قۆناغا ژ ڤر و پێ ڤە “گەلەک هەستیار”ە.
هات راگهاندن کو ئەندامێن کۆمیسیۆنێ یێن سەردانا ئیمرالیێ کربوون، دێ د جڤینا ئیرۆ دە هوورگلیێن هەڤدیتنێ و ناڤەرۆکا وێ ژ ئەندامێن دن یێن کۆمیسیۆنێ رە ڤەبێژن. کورتولموش نێرینا ئەندامان یا دەربارێ هەڤدیتنێ دە وەکی “گەلەک ئەرێنی” بناڤ کر.
د داویێ دە کورتولموش تەکەز کر کو تشتەک ژ رایا گشتی نەهاتیە ڤەشارتن و دا زانین کو تۆمارێن دەنگی یێن هەڤدیتنێ د دەستێ تەشکیلاتا ئیستخباراتا ترکیەیێ (میت) دە تێنە پاراستن.
