ئهنهكهسه: پاشگوهکرنا دۆزا کوردی زیانێ دگهینە پێڤاژۆیا ئارامیێ
ئەنجوومەنا نشتیمانی یا کورد (ئهنهكهسه) بانگ ل حکوومەتا ڤەگوهێزا سووریەیێ دکە کو، ل گەل شاندا کوردی یا هەڤپار دەست ب دانوستاندنان بکە.
ئهنهكهسێ د داخویانیەکێ دە ب هەلکەفتا سالڤەگەرا یەکێ یا هلوەشینا رێژیما ئەسەد گۆت کو، کێفخوەشیا گەلێ سووریەیێ ب ڤێ رۆژێ ب پێکئانینا خوەستەکێن وان ب دەولەتەکا دادمەند تەمام دبە.
ئەنجوومەنا نشتیمانی یا کورد بانگ ل رێڤەبەریا ڤەگوهێز کر کو، “رێبازا دیالۆگا جدی ل گەل تەڤایا پێکهاتەیێن نەتەوەیی، سیاسی و جڤاکی ل خوە بگرە و وان تەڤلی بریارا ئاڤاکرنا دەولهتا تێ خوەستن” بکە.
ئهنهكهسێ دیار ژی کر ژی کو، “پاشگوهکرنا سەرەدەریێ ل گەل دۆزا کوردی، زیانێ دگهینە پێڤاژۆیا ئاڤاکرن و ئارامیێ”.
هەر د وێ داخویانیێ دە ئهنهكهسێ بانگ ل حکوومەتا ڤەگوهێز کر کو، ل گەل شاندا کوردی یا هەڤپار دەست ب دیالۆگا راستەراست بکە کو نێرینەکا وێ یا کوردی ل سەر پاشەرۆژا سووریەیێ و چارەسەرکرنا دۆزا کوردی هەیە.
د داویێ دە ژی ئهنهكهسێ تەکەز کریە کو، سووریەیا نوو یا کو سووریەیی دخوازن، “سووریەیا دەمۆکراتی نەناڤەندییە”.
