سهرۆككومارییا تركیێ: ئاردۆگان و مهزلووم كۆم نابن
سەرۆکاتیا راگهاندنێ یا سەرۆککۆماریا ترکیەیێ ل سەر ئیدیعایێن کو دهاتن گۆتن دێ مەزلووم عهبدی و رەجەپ تاییپ ئەردۆگان بجڤن گۆت، “راستیا ڤان ئیدیعایان نینە.”
برێڤەبرێ ئەنستیتویا ئەورۆپایێ یا لێکۆلینێن رۆژهلاتا ناڤین و باکورێ ئافریکایێ عادل باخەوان ب رێیا هەسابێ خوەیێ فهیسبووكێ ئانالیزەک بەلاڤ کربوو.
عادل باخەوان دیار کربوو کو سەرۆککۆمارێ ترکیەیێ رەجەپ تاییپ ئەردۆگان و فەرماندارێ گشتییێ ههسهدێ مەزلووم عهبدی ل هەڤ کریە کو هەڤ ببینن لێ سەرۆککۆمارێ سووریەیێ ئەحمەد شەرع هەول ددە رێ ل بەر ڤێ هەڤدیتنێ بگرە.
سەرۆکێ راگهاندنێ یێ سەرۆککۆماریا ترکیەیێ بورهانەددین دوران دەربارێ مژارێ دە ل سەر حەسابێ خوەیێ مەدیایا جڤاکی داخویانی دا و دیار کر کو د بەرنامە ئان ئاژاندایا سیاسی یا ئەردۆگان دە چ تێکلیا ب عهبدی رە نینە.
دوران دەستنیشان کر کو ئیدیعایێن هاتنە کرن ب ستراتەژیێن ئەولەهیێ یێن هەیی یێن ترکیەیێ رە ناگونجن.
د داخویانیێ دە هات گۆتن، “هن ئیدیعایێن هەڤدیتنێ یێن کو ژ بۆ سەرۆککۆمارێ مە برێز رەجەپ تاییپ ئەردۆگان تێن کرن ب تەمامی دژی راستیێنە” و پەیاما هەلوەستا ئەنقەرەیێ یا د ڤێ مژارێ دە زەلالە.
بورهانەددین دوران د داخویانیا کو ل سەر هەسابێ خوەیێ Xێ بەلاڤ کر ده وها گۆت:
“هن ئیدیعایێن هەڤدیتنێ یێن کو ژ بۆ سەرۆککۆمارێ مە برێز رەجەپ تایییپ ئەردۆگان تێن کرن نە راستن و د رۆژەڤا برێز سەرۆککۆمارێ مە دە هەولدان ئان پلانسازیەکە وها جهـ ناگرە.
ئەڤ ئیدیعایێن بێبنگەهـ کو ب زانەبوون ئان نەزانی تێن پارڤەکرن، رایا گشتی دخاپینن و ئارمانج دکن کو ب ئاوایەکی جودا باندۆرێ ل پۆلیتیکایێن ئەولەهیێ یێن ترکیەیێ بکن.”
