سهرۆكێ جهههپێ: ئەم دخوازن ل گەل كوردێن رۆژئاڤا جیرانهتیەکا برایانە بکن
سەرۆکێ گشتییێ جهههپێ دیار کر کو ئارامیا کوردێن رۆژئاڤایێ کوردستانێ ژ بۆ ترکیەیێ ژی گارانتیەکە مەزنە و گۆت، «ئەم دخوازن ل سینۆرێ خوە ب برایێن خوە رە جیرانتیەکە برایانە بکن.»
سەرۆکێ گشتییێ پارتیا گەلا کۆماری (جهههپێ) ئۆزگور ئۆزەل ل لژنەیا گشتی یا پارلامەنتۆیا ترکیەیێ د دەما گۆتوبێژێن بودجەیا 2026ان دە ئاخڤی.
ئۆزگور ئۆزەل د ئاخافتنا خوە دە بەحسا پێڤاژۆیا چارەسەریێ و رەوشا کوردێن رۆژئاڤایێ کوردستانێ کر.
ئۆزەل دیار کر کو ئەو دێ د چارچۆڤەیا پێڤاژۆیێ دە ب بریارداری بخەبتن و پشتگریا خوە یا ژ بۆ کۆمیسیۆنا هەڤگرتییا نەتەوەیی، براتی و دەمۆکراسیێ یا پارلامەنتۆیا ترکیەیێ بدۆمینن.
ئۆزگور ئۆزەل د ئاخافتنا خوە دە بال کشاند سەر رەوشا سووریە و رۆژئاڤایێ کوردستانێ ژی و ئانی زمێن کو ئەو دخوازن هەموو پێکهاتەیێن ل وی وەلاتی ببن خوەدی گارانتیا دەستووری.
ئۆزەل وها گۆت، «ئەم دخوازن کورد، عەرەب، دورزی و ترکمەنێن ل سووریەیێ ببن خوەدی گارانتیا دەستووری.
هەبوونا دەمۆکراتیک، ئاشتی و ئارامیا کوردێن سووریەیێ ژ بۆ ترکیەیێ گارانتیەکە مەزنە.
ئەم دخوازن ل سەر سینۆرێ خوە ب برایێن خوە رە جیرانتیەکا برایانە بکن.»
