ھەڤسەرۆکا دەم پارتیێ: سیستەما نەناڤەندی بۆ رەوشا سووریەیێ یەکانە چارەسەرییە

ھەڤسەرۆکا دەم پارتیێ د داخویانیەکێ دە ب ھەلکەفتا سالڤەگەرا یەکێ یا ھلوەشینا رەژیما ئەسەد راگھاند کو، سیستەما نەناڤەندی ژ بۆ رەوشا سووریەیێ یەکانە چارەسەرییە.

ھەڤسەرۆکا پارتیا وەکھەڤی و دەمۆکراسیا گەلان (دەم پارتی) تولای ھاتمۆغلاری ب ھەلکەفتا سالڤەگەرا یەکێ یا گوھەرتنا رەژیما دەستھلاتداریێ ل سووریەیێ و ھلوەشینا بەشار ئەسەد داخویانیەک دا.

ھەڤسەرۆکا پارتیا وەکھەڤی و دەمۆکراسیا گەلان (دەم پارتی) د داخویانیا خوە دە راگھاند: “سالەکا تەمام د سەر گوھەرتنا رەژیما سووریەیێ را دەرباس بوو لێ رەوشا سووریەیێ ھێشتا باش نەبوویە.”

تولای ھاتمۆغلاری ئاماژە ژی دا: “ئەو کۆمکوژیێن ل سووەیدایێ ب سەرێ دورزیان و ل دەڤەرێن پەراڤێ ب سەرێ عەلەویان ھاتنە کارەساتێن مەزن یێن مرۆڤی نە و ئەو گەف ھەتا ئیرۆ ژی بەردەوامە.”

ناڤبری ھەروەسا گۆت: “ل سووریەیێ گەلەک بنپێکرن ل دژی پێکھاتەیان تێن کرن، ژ بەر ڤێ یەکێ ژی سیستەما نەناڤەندی چارەسەریەکا نموونەیییە ژ بۆ ڤان پرسگرێکان، ژ بۆ ئازادیا ھەمی پێکھاتەیێن سووریەیێ ل سەر ئاستا سیاسی و قانوونی.”