جوانێن شۆرهشگهر زارۆكهكێ دن یێ 12 سالی ژ كۆبانێ رهڤاندن
چهتهیێن پهكهكێ یێن ب ناڤێ جوانێن شۆرهشگهر زارۆكهكی دن یێ كورد ژ باژارێ كۆبانیێ رهڤاندن و بۆ بنگههێن لهشكهركرنا ب زۆرێ ڤهگوههستن.
چاڤكانیێن داركا مازی یێن ل رۆژئاڤا كوردستانێ ئاشكهره كرن، ل رۆژا 22 مژدارا 2025ێ، چهتهیێن پهكهكێ جوانێن شۆرهشگهر كو كارێ وان رهڤاندنا زارۆكانه، زارۆكهكی تهمهن 12 سال ژ كۆبانێ رهڤاندن و چارهنووسا وێ نهدیاره.
چاڤكانیێن مه ئاشكهره كرن، زارۆكێ رهڤاندی ناڤی وی مووسا سالح عهلۆیه، ژ شێنیێن گوندێ دادهلێ یێ كۆبانیێ یه، ل خوهندهكاره و ل پۆلا 6ێ یه. ناڤێ داییكا وی میرخان عهبدولقادر و باڤێ وی ژی شۆفێرێ پاسێ یه ل نێڤبهرا رهققا و كۆبانیێ ده كار دكه.
چهتهیێن جوانێن شۆرهشگهر وهكه ب سهدان كهچ و زارۆكێن كو وان ژ بۆی پهكهكێ و یهپهگێ رهڤاندنه، زارۆكێ ب ناڤێ ب ناڤێ مووسا سالح عهلۆ ژی بۆ بنگههێن مهشقێ و لهشكهركرنا ب زۆرێ برنه.
هێژای ببیرئانینێ یه، ل دو مههێن رابووری جوانێن شۆرهشگهر 12 زارۆكێن كۆبانیێ رهڤاندنه و چارهنووسا وان ب نهدیاری مایه.
جوانێن شۆرهشگهر رێخستنهكه جوانان یا گرێدای پهكهكێ یه، ب تهعلیماتێن راستهراست یا جهمیل باییك تهڤ دگهره و كارێ وێ چهكداركرنا زارۆكانه ژ بۆی پهكهكێ و باسكێن وێ یێن ل رۆژئاڤا كوردستانێ.
