ل سنەیێ بەفرێ رێیێن 40 گوندان داخستن

رێڤەبەریا رێیان یا پارێزگەھا سنەیێ راگھاند کو، بەفر و تۆفانێ رێیێن 40 گوندێن وێ دەڤەرێ داخستنە.

رێڤەبەرێ رێڤەبەریا رێیان یا پارێزگەھا سنەیێ رامین مەحموودی ئیرۆ رۆژا چارشەمی، 10/12/2025ێ، ژ بۆ ئاژانسا نووچەیان یا ئێرنایێ گۆت: “رێیێن 40 گوندێن پارێزگەھا سنەیێ ژ بەر بەفر و تۆفانێن دو رۆژێن بۆری ھاتیە داخستن و ھاتنچوون لێ نایێن کرن.”

رامین مەحموودی ھەروەسا گۆت: “ھەکە رەوشا سەقایێ زڤستانێ بەردەوام بە، ھەژمارا گوندێن کو رێیێن وان تێن داخستن دێ زێدە ببە.”

ناڤبری تەکەز ژی کر کو، ھەر چەند تیمێن وێ رێڤەبەریێ بەردەوام مژوولی راکرنا بەفرێ و ڤەکرنا رێیانن ژی، لێ زەحمەتیا دەڤەرێ و زێدەھیا بەفرێ رێیێ ل بەر کارێن وان دگرە.

ل گۆری زانیارێن سەقایێ یێن پارێزگەھا سنەیێ، ل باژارکێن سەقز، بانە، مەریوان، گەردەنەیا ژالانە و مرواریێ بەفرەکا زێدە باریە و ھاتنچوون ل وان دەڤەران نەممکنە.